திக் திக் வீடியோ..! பாதுகாப்பு கயிற்றை மாட்ட மறந்த பயிற்றுவிப்பாளர்கள்… 40 மீட்டர் உயரத்திலிருந்து தூக்கிவீசப்பட்ட 21 வயது பெண் கொடூர மரணம்.. அதிர்ச்சியூட்டும் சம்பவம்..!!

பிரேசிலின் சாவ் பாலோவில் உள்ள லிமேரா பகுதியில், “எலும்புக்கூடு பாலம்” என்று அழைக்கப்படும் கைவிடப்பட்ட பாலத்தில் இருந்து 40 மீட்டர் உயரத்தில் குதித்த மரியா எடுவார்டா ரோட்ரிக்ஸ் டி ப்ரீடாஸ் என்ற 21 வயது இளம் பெண் பரிதாபமாக உயிரிழந்தார். ‘என்ட்ரே கோர்டாஸ்’ என்ற சாகச நிறுவனத்தின் பயிற்றுவிப்பாளர்கள், அவரை “சூப்பர்மேன்” நிலைக்கு உயர்த்தி, கயிற்றின் உதவியோடு கீழே குதிக்க வைத்துள்ளனர். ஆனால், துரதிர்ஷ்டவசமாக அவரது பாதுகாப்பு கயிற்றை உடலில் உள்ள சேணத்துடன் இணைக்க அவர்கள் முற்றிலும் மறந்துவிட்டதால், அந்தப் பெண் நேரடியாக தரையில் விழுந்து சம்பவ இடத்திலேயே துடிதுடித்து இறந்தார்.

இந்த அதிர்ச்சியூட்டும் விபத்து நடந்தவுடன், நிறுவனத்தைச் சேர்ந்த இரண்டு பயிற்றுவிப்பாளர்கள் அங்கிருந்து தப்பித்து அடர்ந்த காட்டுப் பகுதிக்குள் ஓடினர். இருப்பினும், காவல்துறையினர் ஹெலிகாப்டர்களைப் பயன்படுத்தி தீவிர தேடுதல் வேட்டை நடத்தி அவர்களைக் கைது செய்தனர். இந்த அலட்சியக் கொலைச் சம்பவம் தொடர்பாக இதுவரை 6 பேர் கைது செய்யப்பட்டுள்ளனர். மேலும், விபத்து நடந்த அடுத்த கணமே, ‘என்ட்ரே கோர்டாஸ்’ நிறுவனம் தனது அனைத்து சமூக ஊடக கணக்குகளையும் இணையத்தில் இருந்து உடனடியாக நீக்கிவிட்டு தலைமறைவாக முயன்றது அம்பலமாகியுள்ளது.

https://twitter.com/InesBetancur1/status/2065922233848279293/video/1

விபத்து நடந்த இந்த பாலம் எவ்வித அரசாங்க ஒழுங்குமுறையோ அல்லது அனுமதியோ இல்லாத ஒரு கைவிடப்பட்ட ஆபத்தான பகுதியாகும். இருப்பினும், இளைஞர்கள் மத்தியில் ‘ரோப் ஜம்பிங்’ எனப்படும் கயிறு கட்டி குதிக்கும் சாகச விளையாட்டுக்கு இது மிகவும் பிரபலமான இடமாக இருந்து வந்துள்ளது. முறையான பாதுகாப்பு விதிமுறைகளைப் பின்பற்றாமல், வணிக நோக்கத்திற்காக இத்தகைய ஆபத்தான சாகசங்களை நடத்தியதே இந்த இளம் பெண்ணின் மரணத்திற்கு முக்கியக் காரணமாக அமைந்துள்ளது என போலீஸார் தெரிவித்துள்ளனர்.