சர்ச்சைகளுக்கு உள்ளான ‘லியோ சக்ஸஸ் மீட்’.. இருந்தும் விஜய் செய்த புதிய சாதனை.. தளபதி-னா சும்மா அதிருதில்ல…

தமிழ் சினிமாவின் முன்னணி நடிகர்களில் ஒருவராக வலம் வருபவர் நடிகர் விஜய். இவர் நடிப்பில் சமீபத்தில் வெளிவந்த லியோ திரைப்படம் வசூலில் சக்க போடு போட்டு வருவது நாம் அனைவரும் அறிந்ததே.

லோகேஷ் கனகராஜ் இயக்கத்தில் தளபதி விஜய் நடிப்பில் அக்டோபர் 19 ஆம் தேதி ரிலீசாகி ரசிகர்கள் மத்தியில் நல்ல வரவேற்பை பெற்று வரும் திரைப்படம் லியோ.

இத்திரைப்படத்தில் த்ரிஷா, அர்ஜுன், சஞ்சய் தத், மன்சூர் அலி கான் என ஒரு நட்சத்திர பட்டாளமே நடித்துள்ளது.

உலகம் முழுவதும் ரிலீசான முதல் நாளே 148.5 கோடி வசூலித்து சாதனையும் படைத்தது. 250 முதல் 300 கோடி பட்ஜெட்டில் தயாரான இப்படம் 12 நாள் முடிவில் ரூ. 540 கோடிக்கு மேல் வசூவித்துள்ளது. வரும் நாட்களிலும் படத்தின் வசூல் அதிகமாகும் என்றும் கூறி வருகின்றனர்.

இதைத்தொடர்ந்து ‘லியோ வெற்றி விழா’ சென்னை நேரு விளையாட்டு அரங்கில் விஜய் மக்கள் இயக்கத்தினர் 6000 பேர் கலந்துகொள்ள பிரம்மாண்டமாக நடைபெற்றது.

 

இந்த வெற்றி விழாவில் விஜய், திரிஷா, மிஸ்கின், அர்ஜுன், கௌதமேனன், மன்சூர் அலிகான், பிக் பாஸ் ஜனனி, மேத்யூ தாமஸ், மடோனா செபாஸ்டின் மற்றும் படத்தொகுப்பாளர் பிலோமினாஸ்,

கலை இயக்குனர் சதீஷ்குமார் நடிகர் விஜய்யின் தாய் சோபா உள்ளிட்ட பலர் கலந்து கொண்டனர். இந்த லியோ வெற்றி விழாவானது இன்று சன் தொலைக்காட்சியில் ஒளிபரப்பாகி வருவதும் குறிப்பிடத்தக்கது.

இந்தநிலையில் நடிகர் விஜய் தனது இன்ஸ்டா பக்கத்தில் லியோ வெற்றி விழா விழாவில் எடுக்கப்பட்ட புகைப்படங்களை பகிர்ந்தார். இப்புகைப்படங்கள் பகிரப்பட்ட 18 மணி நேரத்திலேயே 3 மில்லியன் லைக்குகளை பெற்று புதிய சாதனை படைத்துள்ளது.