இந்திய சிகை அலங்கார லெஜன்ட் என்று போற்றப்படும் ஹபிக் அகமது (84), வயது முதிர்வு காரணமாக காலமானார். இவரது தந்தை பிரிட்டிஷ் மற்றும் இந்திய தலைவர்களுக்கு ஹேர் ஸ்டைலிஸ்டாக இருந்தவர். அந்தப் பாரம்பரியத்தை இவரும் தொடர்ந்தார். முன்னாள் பிரதமர் இந்திரா காந்தியின் கம்பீரத்தை வெளிப்படுத்தும் கருப்பு/வெள்ளை கீற்று ஹேர் ஸ்டைல், முன்னாள் ஜனாதிபதி அப்துல் கலாமின் அலை அலையான சில்வர் ஹேர் ஸ்டைல் இவர் உருவாக்கியதுதான். இவருடைய மறைவுக்கு அரசியல் தலைவர்கள் பலரும் இரங்கல் தெரிவித்து வருகிறார்கள்.
