BREAKING: பாகிஸ்தானுக்கு உளவு பார்த்த இந்திய விமானப் படை ஊழியர் சுமித் குமார் கைது..!!

அசாம் மாநிலம் திப்ருகார் விமானப்படை தளத்தில் கடந்த மூன்று ஆண்டுகளாகப் பணியாற்றி வந்த உத்திரப் பிரதேசத்தைச் சேர்ந்த சுமித் குமார் என்ற ஊழியர், பாகிஸ்தான் ராணுவத்திற்கு இந்திய விமானப்படையின் ரகசியத் தகவல்களைக் கசியவிட்டதாகக் கைது செய்யப்பட்டுள்ளார். நாட்டின் பாதுகாப்பிற்கு அச்சுறுத்தல் விளைவிக்கும் வகையில் உளவு பார்த்ததாக அவர் மீது குற்றம் சாட்டப்பட்டுள்ளது.

சுமித் குமாரின் சந்தேகத்திற்கிடமான நடவடிக்கைகளைக் கண்டறிந்த ராஜஸ்தான் புலனாய்வுப் போலீசார், தீவிர விசாரணைக்குப் பிறகு அவரைக் கைது செய்துள்ளனர். இந்திய விமானப்படையின் முக்கியத் தரவுகளைப் பாகிஸ்தானுக்குப் பகிர்ந்தது தொடர்பான விரிவான விசாரணை தற்போது நடைபெற்று வருகிறது. இந்தச் சம்பவம் ராணுவ வட்டாரத்தில் பெரும் பரபரப்பை ஏற்படுத்தியுள்ளது.