உலக வங்கியின் மத்தியஸ்தத்துடன் 1960-ஆம் ஆண்டு இந்தியா மற்றும் பாகிஸ்தான் இடையே வரலாற்றுச் சிறப்புமிக்க சிந்து நதி நீர் ஒப்பந்தம் கையெழுத்தானது. இரு நாடுகளுக்கும் இடையே பாயும் நதிகளின் நீரைப் பகிர்ந்துகொள்வதை முறைப்படுத்தும் இந்த ஒப்பந்தத்தின்படி, கிழக்கு நதிகளான ராவி, பியாஸ் மற்றும் சட்லஜ் ஆகியவற்றின் நீரை இந்தியா முழுமையாகப் பயன்படுத்துகிறது. மறுபுறம், சிந்து, ஜீலம் மற்றும் செனாப் ஆகிய மேற்கு நதிகளின் 80 சதவீத நீர் பாகிஸ்தானுக்கு ஒதுக்கப்பட்டுள்ளது. பாகிஸ்தானின் ஒட்டுமொத்த விவசாயமும், பொருளாதாரமும் இந்த மேற்கு நதிகளின் நீரை நம்பியே முழுமையாகக் கட்டமைக்கப்பட்டுள்ளன என்பது குறிப்பிடத்தக்கது.
இருப்பினும், கடந்த 2025-ஆம் ஆண்டு பஹல்காமில் நடந்த பயங்கரவாதத் தாக்குதலுக்குப் பிறகு, தேசிய பாதுகாப்பைக் காரணம்காட்டி இந்தியா இந்த ஒப்பந்தத்தை அதிரடியாக இடைநிறுத்தியது. எல்லையோரப் பயங்கரவாதத்திற்கு பாகிஸ்தான் வழங்கும் ஆதரவை முழுமையாகக் கைவிடும் வரை இந்த முடிவில் எந்த மாற்றமும் இருக்காது என்பதில் இந்திய மத்திய அரசு மிகவும் உறுதியாக உள்ளது. இந்த ஒப்பந்த இடைநிறுத்தம் பாகிஸ்தானின் நீர் ஆதாரங்களுக்குப் பெரும் அச்சுறுத்தலாக மாறியுள்ளதால், ஒப்பந்தத்தை மீண்டும் நடைமுறைக்குக் கொண்டுவரக் கோரி சர்வதேச அரங்கில் பாகிஸ்தான் தொடர்ந்து வலியுறுத்தி வருகிறது.
இந்தச் சூழலில், பாகிஸ்தான் அமைச்சர்களின் சமீபத்திய கருத்துக்கள் இரு நாடுகளுக்கு இடையேயான பதற்றத்தை மேலும் அதிகரித்துள்ளன. நேற்று செய்தியாளர்களைச் சந்தித்த பாகிஸ்தானின் காலநிலை மாற்றத்துறை அமைச்சர் முசாதிக் மாலிக், “எங்களுக்குரிய நீரை யாராவது பறிக்க முயன்றால், அந்தக் கைகளை வெட்டிவிடுவோம்; பாகிஸ்தானுக்கு ஒதுக்கப்பட்ட நதிநீரை இந்தியா தடுக்க அனுமதிக்க முடியாது” என்று மிகக் கடுமையான எச்சரிக்கையை விடுத்துள்ளார். அவருடன் இருந்த தகவல் தொடர்புத்துறை அமைச்சர் அத்தாவுல்லா தரார் பேசுகையில், இந்த ஒப்பந்தத்தை நிறுத்தி வைக்கும் இந்தியாவின் நிலைப்பாட்டிற்கு சர்வதேச அளவில் எந்த ஆதரவும் கிடைக்கவில்லை என்று குறிப்பிட்டுள்ளார்.
ஏற்கனவே பாகிஸ்தான் பாதுகாப்புத்துறை அமைச்சர் க்வாஜா ஆசிப், நீர் பாதுகாப்பு பாதிக்கப்பட்டால் இந்தியாவுக்கு எதிராகப் போர் தொடுக்கவும் தயங்க மாட்டோம் என்று எச்சரித்திருந்த நிலையில், தற்போது மாலிக் விடுத்துள்ள “கைகளை வெட்டுவோம்” என்ற கடுமையான அறிக்கை இருநாட்டு உறவில் பெரும் சலசலப்பை ஏற்படுத்தியுள்ளது. பாகிஸ்தான் பயங்கரவாதத்தை ஒழிக்கும் வரை தங்களின் பிடி தளராது என்று இந்தியாவும், தங்களின் நீர் உரிமையைப் பாதுகாக்க எந்த எல்லைக்கும் செல்வோம் என்று பாகிஸ்தானும் மல்லுக்கட்டி நிற்பதால், தெற்காசிய பிராந்தியத்தில் சிந்து நதிநீர் விவகாரம் தற்போது ஒரு முக்கியப் பாதுகாப்புப் பிரச்சினையாக உருவெடுத்துள்ளது.
குஜராத் மாநிலம் சூரத் பகுதியில், வாங்கிய கடனைத் திருப்பிக் கொடுக்காததால் ஏற்பட்ட தகராறில் சக ஊழியரின் தலையைத் துண்டித்து மயானத்தில்…
பீகார் மாநிலம் பக்ஸார் மாவட்டத்தைச் சேர்ந்த ஊரக வளர்ச்சி அதிகாரி அல்பிதா சிங், கடந்த எட்டு மாதங்களாகத் தனக்கு சம்பளம்…
பெங்களூரு யெலஹங்கா பகுதியில், தனது மகளுடன் பழகியதாகக் கூறி கேரளாவைச் சேர்ந்த 22 வயது தொழிலாளியை அவரது முதலாளியே அடித்துக்…
உத்தரப் பிரதேச மாநிலம் பராபங்கியைச் சேர்ந்த சந்தீப் வர்மா என்பவரும் ரீமா வர்மா (30) என்பவரும் காதலித்து திருமணம் செய்து…
திருவாரூர் வடம்போக்கி பகுதியைச் சேர்ந்தவர் சங்கர்ராமன் (73). இவர் அங்குள்ள தெட்சிணாமூர்த்தி மடத்தில் பணியாற்றி வந்தார். இந்நிலையில், தியாகராஜர் கோயில்…
பெங்களூருவின் பன்னேருகட்டா பகுதி அருகே சி.கே. பாளையா சாலையில் அமைந்துள்ள 'ஹலேவூரு கபாப் சென்டர்' உணவகத்தில் அக்டோபர் 28 அன்று…