பொங்கல் பரிசுத் தொகுப்பினைச் சிறப்பாக விநியோகம் செய்ததற்காக, ரேஷன் கடை ஊழியர்களின் உழைப்பைப் பாராட்டும் வகையில் அவர்களுக்கான ஊக்கத்தொகையை உயர்த்தி முதல்வர் மு.க. ஸ்டாலின் அவர்கள் அறிவித்துள்ளது வரவேற்கத்தக்க ஒரு நடவடிக்கையாகும். கடந்த ஆண்டு ஒரு குடும்ப அட்டைக்கு 50 காசுகள் என வழங்கப்பட்ட ஊக்கத்தொகையை, இந்த ஆண்டு ஒரு குடும்ப அட்டைக்கு ரூ.3 என ஆறு மடங்கு உயர்த்தி தமிழக அரசு வழங்கியுள்ளது.
பொதுமக்களுக்குத் தடையின்றி அத்தியாவசியப் பொருட்களைச் சென்றடைவதையும், அரசுத் திட்டங்கள் அடித்தட்டு மக்களைச் சென்றடைவதையும் உறுதி செய்யும் ரேஷன் கடை பணியாளர்களின் அர்ப்பணிப்பை அங்கீகரிக்கும் விதமாக அமைந்துள்ள இந்த ஊதிய உயர்வு, ஊழியர்கள் மத்தியில் பெரும் மகிழ்ச்சியை ஏற்படுத்தியுள்ளது.