வாரே வா… இன்பநிதிக்கு புதிய பொறுப்பை வழங்கிய முதல்வர் ஸ்டாலின்… மகிழ்ச்சியில் ஒட்டுமொத்த குடும்பத்தினர்…!

தமிழ்நாடு முதல்வர் ஸ்டாலினின் பெயரனும் துணை முதலமைச்சர் உதயநிதி ஸ்டாலினின் மகனுமான இன்ப நிதி சமீப காலமாக திமுகவின் கட்சி நிகழ்ச்சிகளில் அடிக்கடி தலைகாட்டி வருகின்றார். முன்னதாக இந்த ஆண்டு நடைபெற்ற அலங்காநல்லூர் ஜல்லிக்கட்டில் அவர் தன்னுடைய தந்தை உதயநிதியோடு பங்கேற்றது பேசு பொருளாகியது. ஐரோப்பிய நாடான பிரிட்டன் தலைநகர் லண்டனில் நிதி நிர்வாகம் தொடர்பாக பட்டப்படிப்பை முடித்திருக்கும் இன்பநதிக்கு தற்போது 21 வயதாகின்றது. இதனிடையே சமீபத்தில் அவருக்கு கலைஞர் டிவியில் நிர்வாக பொறுப்பு வழங்கப்பட்டதாக செய்தி வெளியானது.

கலைஞர் டிவியில் தலைமை நீதி அதிகாரியாக முதல்வரின் மனைவி துர்கா ஸ்டாலினின் சகோதரி மகன் கார்த்திகேயன் இருந்து வருகின்றார். சென்னை நீலாங்கரையில் உள்ள இல்லத்திலிருந்து தினமும் காலை 11 மணிக்கு அண்ணா அறிவாலயம் வரும் இன்பநிதி மாலை 5.30 மணிக்கு வீடு திரும்புவதாக கூறப்படுகின்றது. திமுகவின் அடுத்த தலைமையாக உதயநிதி ஸ்டாலின் முன்னிறுத்தப்பட்டு வரும் நிலையில் கலைஞர் தொலைக்காட்சியில் அவருடைய மகன் இன்பநதிக்கு பொறுப்பு வழங்கப்பட்டது மிகப்பெரிய அளவில் பேசுப்பொருளானது.

இந்நிலையில் தற்போது இன்பநதிக்கு மேலும் ஒரு பொறுப்பு வழங்கப்பட்டுள்ளது. அதாவது உதயநிதி ஸ்டாலின் நிர்வகித்து வந்த ரெட் ஜெயன்ட் மூவிஸ் என்ற தயாரிப்பு நிறுவனத்தின் தலைமை நிர்வாக அதிகாரியாக இன்பநீதி பொறுப்பேற்ற உள்ளதாக தகவல் வெளியாகி உள்ளது. தந்தையைப் போல சினிமாவில் கால் பதிக்கும் அவர் லோகேஷ் இயக்கத்தில் ரஜினி மற்றும் கமல் இணைந்து நடிக்கும் புதிய படத்தை தயாரிக்க இருப்பதாகவும் கூறப்படுகிறது.