“விஜய் சொன்ன குட்டிக்கதை… “அப்பாவைத் தேடும் மகன்… செட்டப் பாடிய பேரன்…!” – சட்டப்பேரவை மோதலில் ஆபாசப் பாட்டை இழுத்த இன்பநிதி… தமிழக அரசியலில் பெரும் அதிர்ச்சி…!!

தமிழக சட்டப்பேரவையில் ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதத்தில், முதல்வர் விஜய் மற்றும் எதிர்க்கட்சித் தலைவர் உதயநிதி இடையே கடுமையான வார்த்தைப்போர் வெடித்துள்ளது. கூட்டத்தின் போது திமுக உறுப்பினர்கள் வெளிநடப்பு செய்த நிலையில், முதல்வர் விஜய் தனது பாணியில் “உங்க அப்பாவை காணவில்லை” என்ற குட்டி கதை ஒன்றைக்கூறி உரையாற்றினார். இந்த கதை, தற்போது எதிர்க்கட்சித் தலைவராக இருக்கும் உதயநிதி தனது தந்தை இல்லாமல் அரசியல் களத்தில் தனித்து நிற்பதையும், அவரைத் தேடி அலைவதையும் மறைமுகமாகக் குறிப்பிடுவதாக அரசியல் வட்டாரத்தில் எடுத்துக்கொள்ளப்பட்டது.

முதல்வரின் இந்த விமர்சனத்திற்குச் சட்டமன்றத்திற்கு வெளியே செய்தியாளர்களைச் சந்தித்த உதயநிதி உடனடியாகப் பதிலடி கொடுத்தார். “செங்கல்பட்டு நீதிமன்றத்தில் கணவரைத் தேடும் மனைவியின் கதை எல்லாம் தமிழ்நாட்டிற்கே நன்றாகத் தெரியும்” என முதல்வர் விஜய்யின் தனிப்பட்ட வாழ்க்கைச் சிக்கல்களைக் குத்திக்காட்டும் வகையில் அவர் காரசாரமாகப் பேசினார். இந்த விவகாரம் இரு தரப்புக்கும் இடையே பெரும் அரசியல் பரபரப்பைக் கிளப்பியது.

இந்த மோதலின் உச்சக்கட்டமாக, உதயநிதியின் மகன் இன்பநிதி தனது இன்ஸ்டாகிராம் பக்கத்தில் பகிர்ந்துள்ள ஒரு ஸ்டோரி தற்பொழுது பெரும் சர்ச்சையை ஏற்படுத்தியுள்ளது. தன் தந்தை உதயநிதி கொடுத்த பதிலை ஆதரிக்கும் விதமாக, “பின்னே கல்யாணம் தான் கட்டிக்கிட்டு செட்டப்பையும் வச்சுக்கிட்டு.” என்ற திரைப்படப் பாடலின் வரிகளைப் பின்னணியில் ஒலிக்கவிட்டு அவர் ஒரு பதிவை வெளியிட்டுள்ளார். இன்பநிதியின் இந்த மறைமுகத் தாக்குதல் தமிழக வெற்றிக் கழக தொண்டர்களிடையே கடும் கொந்தளிப்பை ஏற்படுத்தியுள்ள நிலையில், அவர்கள் சமூக வலைத்தளங்களில் இதற்கு எதிராகக் கடுமையான கேள்விகளை எழுப்பி வருகின்றனர்.