“உங்களுக்கு 10 வயசுக்குள்ள மகள் இருக்காங்களா?… அப்போ இந்தத் திட்டத்தை உடனே ஆரம்பிங்க .. 8.2% வட்டி… மகளின் லைஃப் செட்டில்”…!!!

மத்திய அரசின் ‘சுகன்யா சம்ரிதி யோஜனா’ எனப்படும் செல்வ மகள் சேமிப்புத் திட்டம், பெண் குழந்தைகளின் கல்வி மற்றும் திருமண எதிர்காலத்திற்காகப் பெற்றோர்கள் பாதுகாப்பாகச் சேமிக்க உதவும் ஒரு மிகச்சிறந்த திட்டமாகும். பெண் குழந்தைக்கு 10 வயது பூர்த்தியாவதற்குள் தபால் நிலையம் அல்லது வங்கிகளில் இக்கணக்கைத் தொடங்கலாம். இத்திட்டத்தில் ஆண்டிற்கு மிகக் குறைந்தபட்சமாக ரூ. 250 முதல் அதிகபட்சமாக ரூ. 1.5 லட்சம் வரை முதலீடு செய்ய முடியும். மற்ற சேமிப்புத் திட்டங்களை விட அதிக வட்டி விகிதத்தை வழங்குவதோடு, அரசின் நேரடிப் பொறுப்பில் இருப்பதால் இது முதலீட்டாளர்களுக்கு முழுமையான பாதுகாப்பை உறுதி செய்கிறது.

தற்போது தபால் நிலையங்களில் வரிசையில் நிற்கத் தேவையில்லாமல், இந்தியா போஸ்ட் பேமெண்ட்ஸ் பேங்க் (IPPB) செயலி மூலம் வீட்டிலிருந்தே டிஜிட்டல் முறையில் பணம் செலுத்தும் வசதி அறிமுகப்படுத்தப்பட்டுள்ளது. இதற்கு முதலில் உங்கள் வழக்கமான வங்கிக் கணக்கிலிருந்து IPPB கணக்கிற்குப் பணத்தை மாற்ற வேண்டும். பின்னர் செயலியில் உள்ள ‘DOP Products’ பிரிவில் ‘Sukanya Samriddhi Yojana’ என்பதைத் தேர்ந்தெடுத்து, உங்கள் மகளின் கணக்கு எண் மற்றும் வாடிக்கையாளர் ஐடியை (DOP Customer ID) உள்ளிட்டு, வேண்டிய தொகையைச் செலுத்தி ரசீதைப் பெற்றுக்கொள்ளலாம்.

பரபரப்பான வாழ்க்கை முறையில் இத்தகைய ஆன்லைன் வசதிகள் சேமிப்பை எளிதாக்குவதுடன், பெற்றோர்கள் தடையின்றித் தங்கள் குழந்தையின் எதிர்கால நிதியை உருவாக்கப் பெரிதும் உதவுகின்றன. தமிழ்நாட்டில் செல்வ மகள் சேமிப்புத் திட்டம் என்ற பெயரில் மிகவும் பிரபலமாக உள்ள இத்திட்டம், வரிச்லுகை மற்றும் கூட்டு வட்டி பலன்களைக் கொண்டிருப்பதால், நடுத்தரக் குடும்பங்களுக்கு இது ஒரு வரப்பிரசாதமாகும். பாதுகாப்பான மற்றும் ஒளிமயமான எதிர்காலத்தைத் திட்டமிடும் ஒவ்வொரு பெற்றோருக்கும் இந்தச் சேமிப்பு ஒரு வலுவான அடித்தளமாக அமையும் என்பதில் ஐயமில்லை.