12-வது முடித்திருந்தால் போதும்!… மத்திய அரசில் 731 காலிப்பணியிடங்கள்… சம்பளம் ரூ.35,400… உடனே அப்ளை பண்ணுங்க..!!!

மத்திய பணியாளர் தேர்வாணையம் (SSC) தற்போது 731 ஸ்டெனோகிராபர் ‘C’ மற்றும் ‘D’ பிரிவு பணியிடங்களுக்கான அறிவிப்பை வெளியிட்டுள்ளது. இதற்கு விண்ணப்பிக்க விரும்புவோர் அங்கீகரிக்கப்பட்ட கல்வி நிறுவனத்தில் 12-ஆம் வகுப்பு தேர்ச்சி பெற்றிருக்க வேண்டும். வயது வரம்பை பொறுத்தவரை, 01.08.2026 தேதியின்படி கிரேடு ‘C’ பணிக்கு 18 முதல் 30 வயது வரையிலும், கிரேடு ‘D’ பணிக்கு 18 முதல் 27 வயது வரையிலும் இருக்க வேண்டும்; இருப்பினும், அரசு விதிகளின்படி எஸ்சி/எஸ்டி பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும் வயது தளர்வு உண்டு.

தேர்வு முறையானது கணினி வழித் தேர்வு மற்றும் சுருக்கெழுத்து திறன் தேர்வு ஆகிய இரு நிலைகளைக் கொண்டது. கணினி வழித் தேர்வில் பொது அறிவுத்திறன், விழிப்புணர்வு மற்றும் ஆங்கில மொழித் திறன் என மொத்தம் 200 கேள்விகள் கேட்கப்படும், இதில் தவறான பதில்களுக்கு 0.25 மதிப்பெண்கள் கழிக்கப்படும். தமிழகத்தில் சென்னை, கோவை, மதுரை, திருச்சி உள்ளிட்ட முக்கிய நகரங்களில் தேர்வு மையங்கள் அமைக்கப்பட்டுள்ளன. இப்பணிக்குத் தேர்வாகும் நபர்களுக்குத் தொடக்கச் சம்பளமாக ரூ.35,400 வரை வழங்கப்படும்.

தகுதியுள்ள விண்ணப்பதாரர்கள் https://ssc.gov.in/ என்ற அதிகாரப்பூர்வ இணையதளத்தில் ஆன்லைன் வழியாக விண்ணப்பிக்கலாம். விண்ணப்பக் கட்டணமாக ரூ.100 நிர்ணயிக்கப்பட்டுள்ளது, ஆனால் பெண்கள், எஸ்சி/எஸ்டி மற்றும் மாற்றுத்திறனாளிகளுக்குக் கட்டணம் கிடையாது. இந்த அரிய வாய்ப்பைப் பயன்படுத்திக் கொள்ள விரும்புவோர் வரும் 15.05.2026-க்குள் விண்ணப்பிக்க வேண்டும் என்பது குறிப்பிடத்தக்கது.