“உன்ன கொன்னுடுவேன்”… கஞ்சா போதையில் உச்சகட்ட அட்டகாசம்… நடுரோட்டில் பெண்களைத் தாக்கிய வாலிபர்கள்… நெஞ்சை பதறவைக்கும் வைரல் வீடியோ…!!

வேலூர் மாவட்டம் ஒடுகத்தூர் அருகே உள்ள ஓங்கப்பாடி தாங்கல் கிராமத்தில் சமீபத்தில் பெரும் பரபரப்பை ஏற்படுத்தும் சம்பவம் ஒன்று அரங்கேறியுள்ளது. கஞ்சா போதையில் இருந்த சில வாலிபர்கள், சுயக்கட்டுப்பாட்டை இழந்து அந்த ஊருக்குள் அத்துமீறி நுழைந்துள்ளனர். போதையின் உச்சத்தில் இருந்த அவர்கள், அப்பகுதி மக்களிடம் அநாகரீகமாக நடந்துகொண்டதுடன் தேவையற்ற வன்முறைச் செயல்களிலும் ஈடுபட்டுள்ளனர்.

ஊருக்குள் அராஜகத்தில் ஈடுபட்ட அந்த கும்பல், அங்குள்ள பெண்களை மிகக் கடுமையாக தரக்குறைவான வார்த்தைகளால் ஆபாசமாக பேசியுள்ளனர். இதனைத் தட்டிக்கேட்ட பெண்களை அந்த இளைஞர்கள் ஈவு இரக்கமின்றி தாக்கியதோடு, அவர்களுக்குப் பகிரங்கமாக கொலை மிரட்டலும் விடுத்துள்ளனர். அமைதியாக இருந்த கிராமத்தில், போதை ஆசாமிகளின் இந்த வெறிச்செயல் அப்பகுதி மக்களிடையே பெரும் அச்சத்தையும் பாதுகாப்பற்ற உணர்வையும் ஏற்படுத்தியுள்ளது.

இந்தக் கொடூர தாக்குதல் மற்றும் மிரட்டல் சம்பவங்கள் அங்கிருந்தவர்களால் வீடியோவாக பதிவு செய்யப்பட்டுள்ளது. தற்போது இந்த வீடியோ சமூக வலைத்தளங்களில் வெளியாகி பெரும் அதிர்வலையை ஏற்படுத்தி வருகிறது. பெண்களின் பாதுகாப்பைக் கேள்விக்குறியாக்கியுள்ள இந்த கஞ்சா போதை இளைஞர்கள் மீது, காவல்துறையினர் உடனடியாகக் கடுமையான நடவடிக்கை எடுக்க வேண்டும் என அப்பகுதி மக்களும் சமூக ஆர்வலர்களும் வலுவான கோரிக்கையை முன்வைத்துள்ளனர்.