சென்னை ஐஐடியில் காலியாக உள்ள 40 உதவிப் பேராசிரியர் பணியிடங்களை (Grade 1 & 2) நிரப்புவதற்கான அதிகாரப்பூர்வ அறிவிப்பு வெளியாகியுள்ளது. வான்வெளி பொறியியல், கணினி அறிவியல், மேலாண்மை மற்றும் தரவு அறிவியல் உள்ளிட்ட பல்வேறு துறைகளில் இப்பணியிடங்கள் நிரப்பப்பட உள்ளன. இதற்கு விண்ணப்பிக்கும் நபர்கள் சம்பந்தப்பட்ட பாடப்பிரிவில் முனைவர் பட்டம் (Ph.D) பெற்றிருப்பதுடன், குறைந்தது மூன்று ஆண்டுகள் பணி அனுபவம் கொண்டிருக்க வேண்டும். தேர்ந்தெடுக்கப்படும் பேராசிரியர்களுக்கு மாதம் ரூ.70,900 முதல் ரூ.1,01,500 வரை சிறப்பான ஊதியம் வழங்கப்படும்.
விண்ணப்பதாரர்கள் 36 வயதிற்கு உட்பட்டவர்களாக இருக்க வேண்டும்; இருப்பினும் அரசு விதிகளின்படி எஸ்சி/எஸ்டி மற்றும் ஓபிசி பிரிவினருக்கு வயது வரம்பில் தளர்வுகள் உண்டு. தகுதியுள்ள நபர்கள் வரும் மார்ச் 27, 2026-க்குள் ஐஐடியின் அதிகாரப்பூர்வ இணையதளம் வாயிலாக மட்டுமே விண்ணப்பிக்க முடியும். பெறப்பட்ட விண்ணப்பங்கள் பரிசீலிக்கப்பட்டு, தகுதியானவர்கள் நேர்காணல் மூலம் இறுதி செய்யப்படுவார்கள். உயர்கல்வித் துறையில் சாதிக்க விரும்பும் தகுதியான நபர்களுக்கு இது ஒரு பொன்னான வாய்ப்பாகும்.