தமிழக அரசியலில் பெரும் பரபரப்பை ஏற்படுத்தியுள்ள சூழலில், தமிழக வெற்றிக் கழகத் தலைவர் விஜய் ஒரு பேட்டி அளித்தால் தனது எம்.எல்.ஏ பதவியைத் துறக்கத் தயார் என அமமுக சட்டமன்ற உறுப்பினர் காமராஜ் அதிரடி சவால் விடுத்துள்ளார். தவெக ஆட்சி அமைக்கத் தான் ஆதரவு அளித்ததாக ஆளுநரிடம் விஜய் கடிதம் அளித்திருப்பது முற்றிலும் பொய் என்று குற்றம் சாட்டிய அவர், இது தொடர்பாக அக்கட்சித் தரப்பில் வெளியிடப்பட்ட வீடியோவும் போலியானது என்று திட்டவட்டமாகத் தெரிவித்தார்.
செய்தியாளர்களின் சரமாரியான கேள்விகளுக்குப் பதிலளித்த காமராஜ், தன் மீதான புகார்கள் உண்மையானால் விஜய் நேரடியாகப் பேட்டி அளிக்கட்டும் என்றும், முடிந்தால் விஜய்யிடம் இது குறித்துப் பேட்டி எடுத்து உண்மையை நிரூபியுங்கள் என்றும் சவால் விடுத்துள்ளதால் அரசியல் களத்தில் அனல் பறக்கிறது.