ஸ்டாலினுக்கு அடுத்த ஷாக்… திமுக கூட்டணியில் 10 சீட்… திருமாவளவன் வெளியிட்ட பரபரப்பு அறிவிப்பு…!

தமிழகத்தில் 2026 சட்டமன்றத் தேர்தலை எதிர்கொள்ள திமுக தனது கூட்டணி கட்சிகளுடன் சேர்ந்து தயாராகி வருகிறது. ஆனால் கூட்டணியில் இருக்கும் காங்கிரஸ் மற்றும் விடுதலை சிறுத்தைகள் உள்ளிட்ட கட்சிகள் தொகுதி பங்கீடு தொடர்பாக பேச்சுவார்த்தையில் ஈடுபட்டு வருகின்றன. கூடுதல் தொகுதிகளை ஒதுக்க வேண்டுமென ஸ்டாலினிடம் கறார் காட்டி வரும் நிலையில் கூட்டணியில் இருக்கும் மேலும் சில கட்சிகளும் தொகுதி பங்கீடு தொடர்பாக குரல் எழுப்பி வருகின்றன.

இந்நிலையில் மதுரையில் நடந்த ஒரு நிகழ்ச்சியில் கலந்து கொண்டு பேசிய விடுதலை சிறுத்தைகள் கட்சியின் தலைவர் திருமாவளவன், தேர்தல் அரசியலில் கூட்டணி தொடர்பாக எடுத்த முடிவுகளை சிலர் வெளிப்படையாகவே விமர்சிக்கிறார்கள். திமுகவை நீங்கள் ஏன் உயர்த்திப் பிடிக்கிறீர்கள் என்று சிலர் குறை கூறுகின்றனர். ஆனால் கடந்த ஐந்து ஆண்டு கூட்டணியில் இருந்தாலும் திமுக அரசை விடுதலை சிறுத்தைகள் கட்சியை போல் கண்டித்து நடத்திய போராட்டங்களை போல் எந்த கட்சியினரும் நடத்தி இருக்க முடியாது. தேர்தலைப் பற்றி தேர்தலின் போது மட்டுமே சிந்திப்பேன். பதவி எனக்கு பெரிது கிடையாது.

நான் 10 சீட்  கூடுதலாக கேட்டு வாங்குவதால் புரட்சி ஏற்படப் போவதில்லை. தேர்தல் களத்தில் நான் எடுக்கும் முடிவுகள். உங்களுடைய பார்வையில் குறை உள்ளதாக இருக்கலாம். ஆனால் கூட்டணிக்காக மக்களை மறந்து என்னுடைய நலன் குறித்து ஒருபோதும் சிந்தித்தது கிடையாது. பதவி, எம் எல் ஏ சீட் எண்ணிக்கை பெரிதாக நினைத்திருந்தால் எங்கு அதிகமாக கொடுக்கிறார்களோ அந்த இடம் தேடி நான் ஓடி இருப்பேன். எனக்கு பதவி ஆசை மற்றும் பொருள் ஆசை என எதுவும் கிடையாது. பதவி ஆசை இல்லாததே திமுக கூட்டணியில் தொடர காரணம் என்று அவர் தெரிவித்துள்ளார்.