தமிழக அரசியலில் பெரும் மாற்றத்தை ஏற்படுத்தும் வகையில், திமுக கூட்டணியில் இருந்து விடுதலைச் சிறுத்தைகள் கட்சி விலகுவதாகத் தகவல்கள் வெளியாகியுள்ளன. விடுதலைச் சிறுத்தைகள் கட்சியின் தலைவர் திருமாவளவன் நேற்று முதலமைச்சர் ஸ்டாலினை நேரில் சந்தித்து, தனது கட்சி திமுக கூட்டணியில் இருந்து விலகுவதாகத் தெரிவித்ததாகக் கூறப்படுகிறது. இந்தச் சந்திப்பு தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது.
கூட்டணியில் இருந்து விலகுவது மட்டுமன்றி, தமிழக வெற்றிக் கழகம் (தவெக) ஆட்சி அமைக்க ஆதரவு அளிக்க உள்ளதாகவும் திருமாவளவன் ஸ்டாலினிடம் கூறியதாகத் தெரிகிறது. மேலும், தவெக தலைமையிலான கூட்டணி ஆட்சியில் பங்கேற்கத் தயாராக இருப்பதாகவும் அவர் தெரிவித்துள்ளார். இது குறித்த அதிகாரப்பூர்வ அறிவிப்பை இன்னும் சற்று நேரத்தில் திருமாவளவன் வெளியிடுவார் என எதிர்பார்க்கப்படுகிறது.