ஜெயலலிதா அம்மா Biopic ல நடிக்க யோசனையா இருக்கு… மனம் திறந்த நித்யா மேனன்…

நித்யா மேனன் தென்னிந்திய சினிமாவில் பணியாற்றும் பிரபலமான நடிகை ஆவார். சிறுவயதில் குழந்தை நட்சத்திரமாக நடித்ததன் மூலம் சினிமாவில் அறிமுகமானார். பிறகு தமிழில் சித்தார்த் நடித்த 180 என்ற திரைப்படத்தில் இரண்டாம் கதாநாயகியாக நடித்து அறிமுகமானார்.

அதற்கு அடுத்ததாக வெப்பம் திரைப்படத்தில் நடித்ததன் மூலம் நாயகியாக அறிமுகமானார். துல்கர் சல்மானுடன் ஓ காதல் கண்மணி என்ற திரைப்படத்தில் நடித்ததன் மூலம் திருப்புமுனையை பெற்றார் நித்யா மேனன். அதைத் தொடர்ந்து மெர்சல், காஞ்சனா 2, இருமுகன், சைக்கோ, திருச்சிற்றம்பலம் ஆகிய திரைப்படங்களில் நடித்து புகழ்பெற்றார். திருச்சிற்றம்பலம் திரைப்படத்தில் நடித்ததற்காக தேசிய விருதையும் வென்றார் நித்யா மேனன்.

அதை தொடர்ந்து தற்போது பொங்கலை முன்னிட்டு ஜெயம் ரவியுடன் இவர் இணைந்து நடித்த காதலிக்க நேரமில்லை திரைப்படம் வெளியாகி திரையரங்குகளில் ஓடிக்கொண்டிருக்கிறது. அடுத்ததாக தனுஷ் உடன் இட்லி கடை திரைப்படத்தில் இணைந்து நடித்திருக்கிறார் நித்யா மேனன். அந்தப்படம் ஏப்ரலில் வெளியாக இருக்கிறது. சமீபத்தில் ஒரு நேர்காணலில் கலந்து கொண்ட நித்ய மேனன் ஜெயலலிதா Biopic இல் நடிப்பதை பற்றி பகிர்ந்து இருக்கிறார்.

நித்யா மேனன் கூறியது என்னவென்றால், ஜெயலலிதா அம்மா Biopic இல் நடிப்பதற்காக சொல்கிறார்கள். ஆனால் ஏற்கனவே அவரின் பயோபிக் தலைவி என்ற படமாகவும் சில வெப்சீரிஸ்களாகவும் வெளியே வந்துவிட்டது. நான் மறுபடியும் நடித்தால் அது Repatitive ஆக இருக்குமே என்று நினைத்துக் கொண்டிருக்கிறேன். ஆனால் அது குறித்து பேச்சுவார்த்தை போய்க்கொண்டு தான் இருக்கிறது. விரைவில் அறிவிப்பு வெளியாகலாம் என்று மனம் திறந்து பேசி இருக்கிறார் நித்யா மேனன்.