திக்.. திக்..! உயிரை பறித்த மனைவி… துடிதுடித்து போன கணவன்… வாக்குவாதம் முற்றி விபரீதம்… நள்ளிரவில் நடந்த பயங்கரம்…!!

ஹைதராபாத்தில் குடும்பத் தகராறு காரணமாக மனைவியால் கத்தியால் குத்தப்பட்ட தனியார் பாதுகாப்பு ஊழியர் ஒருவர் பரிதாபமாக உயிரிழந்தார். கணவன் மற்றும் மனைவிக்கு இடையே ஏற்பட்ட கடுமையான வாக்குவாதம் எல்லை மீறி கைகலப்பாக மாறியது. இதில் ஆத்திரமடைந்த மனைவி, வீட்டில் இருந்த கூர்மையான கத்தியை எடுத்து கணவரின் மார்பில் சரமாரியாகக் குத்தியுள்ளார். படுகாயமடைந்து ரத்த வெள்ளத்தில் சரிந்த அவரை அக்கம் பக்கத்தினர் மீட்டு மருத்துவமனைக்குக் கொண்டு சென்றபோதும், தீவிர சிகிச்சை பலனின்றி அவர் உயிரிழந்தார்.

இச்சம்பவம் குறித்து தகவல் அறிந்த உள்ளூர் காவல்துறையினர் சம்பவ இடத்திற்கு விரைந்து சென்று உடலை மீட்டு பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். இந்த விபரீத முடிவுக்கான மூலக் காரணம் குறித்து வழக்குப் பதிவு செய்துள்ள போலீஸார் தீவிர விசாரணை மேற்கொண்டு வருகின்றனர். தாக்குதல் நடத்திய மனைவியைக் காவல் துறையினர் உடனடியாகக் கைது செய்து, குடும்பப் பிரச்னை மற்றும் வாக்குவாதத்திற்கான பின்னணி குறித்து தொடர் விசாரணை நடத்தி வருகின்றனர்.