“பல பெண்களுடன் தொடர்பு வைத்து சித்திரவதை…” பெட்டியில் அடைக்கப்பட்ட கணவர் உடல்… கள்ளக்காதலனுடன் சிக்கியது எப்படி…? நாட்டையே உலுக்கிய வழக்கில் திடீர் திருப்பம்…!!

உத்தரப் பிரதேச மாநிலம் உன்னாவ் பகுதியில் சோனு என்பவரைக் கொன்று இரும்புப் பெட்டிக்குள் அடைத்து நெடுஞ்சாலையோரம் வீசிய வழக்கில் அதிர்ச்சிகரமான தகவல்கள் வெளியாகியுள்ளன. இக்கொலை வழக்கில் சோனுவின் மனைவி நேஹா ராவத், பக்கத்து வீட்டுக்காரரான ஜிதேந்திரா என்ற ராகுல் மற்றும் ஒரு சிறுவன் உட்பட நான்கு பேர் காவல்துறையினரால் வெறும் 12 மணி நேரத்திற்குள் அதிரடியாகக் கைது செய்யப்பட்டுள்ளனர்.

அச்சல்கஞ்ச் பகுதியைச் சேர்ந்த சோனு, உன்னாவ் – ராய் பரேலி நெடுஞ்சாலையோரம் பெட்டிக்குள் இறந்து கிடந்தது கண்டுபிடிக்கப்பட்டது. காவல்துறையினர் அப்பகுதியில் உள்ள சிசிடிவி பதிவுகள் மற்றும் என்.பி.ஆர் கேமராக்களை ஆய்வு செய்தபோது, சடலத்தை ஏற்றிச் செல்லப் பயன்படுத்தப்பட்ட லோடு ஆட்டோவின் பதிவெண் மூலம் துப்பு துலங்கியது. ரூ.1,200 கொடுத்து நேஹாவால் வாடகைக்கு அமர்த்தப்பட்ட இந்த லோடு ஆட்டோ மூலமே பெட்டி நெடுஞ்சாலையோரம் கொண்டு செல்லப்பட்டுள்ளது.

விசாரணையின் போது, சோனு தன்னைத் தொடர்ந்து மது அருந்திவிட்டுத் துன்புறுத்தியதாகவும், பல பெண்களுடன் தொடர்ப்பு வைத்து கொண்டு அடிக்கடி சண்டையிட்டதாகவும் மனைவி நேஹா தரப்பில் தெரிவிக்கப்பட்டுள்ளது. சம்பவத்தன்று சோனு மது அருந்திவிட்டு ஏற்பட்ட தகராறில் கீழே விழுந்து காயமடைந்ததாகவும், அதன் பின் அவர் கழுத்து நெரிக்கப்பட்டுக் கொல்லப்பட்டதாகவும் கூறப்படுகிறது. இதற்கிடையில், கைது செய்யப்பட்டுள்ள ராகுல், தான் நேஹாவின் தூண்டுதலின் பேரில் லோடு ஆட்டோவையும் ஆட்களையும் மட்டுமே ஏற்பாடு செய்ததாகவும், கொலைக்கும் தனக்கும் நேரடித் தொடர்பு இல்லை என்றும் மறுத்துள்ளார். எனினும், ஐந்து தனிப்படை போலீசார் இவ்வழக்கில் தீவிர விசாரணை நடத்தி வருகின்றனர்.