ஐயோ கொடுமையே… போதையில் பண்ணிட்டேன்… என்ன மன்னிச்சுடுங்க… மனைவியையும் மகனையும் கொன்று… 3வது மாடியில் இருந்து குதித்த கணவன்… பதறவைக்கும் அதிர்ச்சி சம்பவம்…!

பல்வால் மாவட்டத்தில் மதுபோதையில் தனது மனைவியையும், ஒன்றரை மாதப் பிஞ்சு குழந்தையையும் கணவன் கொடூரமாகக் கொன்ற சம்பவம் பெரும் அதிர்ச்சியை ஏற்படுத்தியுள்ளது. ஹரியானா மாநிலம் பல்வாலைச் சேர்ந்த சோஹில் என்பவர் அதிகளவில் மது அருந்திவிட்டு வீட்டிற்கு வந்துள்ளார். அந்நிலையில், போதையில் இருந்த கணவனுடன் உடலுறவுக்குச் சம்மதிக்க மனைவி ஷகுஃப்தா மறுத்துள்ளார். இதனால் ஆத்திரமடைந்த சோஹில், தனது துப்பட்டாவாலேயே மனைவியின் கழுத்தை நெரித்துக் கொலை செய்துள்ளார்.

மனைவி உயிரிழந்ததைத் தொடர்ந்து, தாய் அருகில் இல்லாததால் அவர்களின் ஒன்றரை மாதக் குழந்தையான ஜூஹான் தொடர்ந்து அழத் தொடங்கியுள்ளது. கோபத்தின் உச்சத்தில் இருந்த சோஹில், அழுகையை நிறுத்த முயலாமல் அந்தப் பிஞ்சு குழந்தையின் கழுத்தையும் நெரித்துக் கொடூரமாகக் கொலை செய்தார். மதுவின் பிடியில் இருந்த சோஹில், தனது சொந்தக் குடும்பத்தையே சில நிமிடங்களில் அழித்து இந்த அதிர்ச்சி சம்பவத்தை அரங்கேற்றியுள்ளார்.

https://twitter.com/madanmohansoni/status/2090747982929088847/video/1

சம்பவம் நடந்த சில மணிநேரங்களுக்குப் பிறகு சோஹிலுக்கு மதுவின் போதை தெளிந்துள்ளது. அப்போதுதான் தான் செய்த கொடூரக் குற்றத்தின் தீவிரத்தை உணர்ந்து அவர் தீவிர மனஉளைச்சலுக்கும் பச்சாதாபத்திற்கும் ஆளானார். தன் தவறுக்கு வருந்தி, குற்றவுணர்ச்சி தாங்க முடியாமல் மூன்றாவது மாடியில் இருந்து கீழே குதித்து தற்கொலைக்கும் முயன்றார். இச்சம்பவம் குறித்து காவல்துறையினர் வழக்குப்பதிவு செய்து விசாரணை நடத்தி வருகின்றனர்.