“நீ பாலியல் தொழில் தான் செய்யணும்”…. புதுமணப்பெண்ணை அந்தரங்க உறுப்பில் தாக்கி…. கணவன் செய்த உச்சக்கட்ட கொடூரம்…. பெண் கூறிய பகீர் வாக்குமூலம்….!

வரதட்சணைக் கொடுமையால் 24 வயது புதுமணப்பெண் கொடூரமான தாக்குதல்களுக்கு உள்ளாக்கப்பட்ட சம்பவம் கேரளாவில் பெரும் அதிர்ச்சியை ஏற்படுத்தியுள்ளது. திருவனந்தபுரம், நீண்டகரையைச் சேர்ந்த அஞ்சு என்ற அப்பெண், திருமணமான சில மாதங்களிலேயே கணவர் நந்து மற்றும் அவரது குடும்பத்தினரால் கடுமையான உடல் மற்றும் மன ரீதியான சித்திரவதைக்கு ஆளாகியுள்ளார். தற்போது கொல்லம் மாவட்ட பொது மருத்துவமனையில் அனுமதிக்கப்பட்டுள்ள அஞ்சு அளித்த புகாரின்பேரில், சாவரா காவல்துறையினர் கணவர் நந்து மற்றும் அவரது பெற்றோர் மீது வழக்குப் பதிவு செய்து விசாரணை மேற்கொண்டு வருகின்றனர்.

பெரியோர்களால் நிச்சயிக்கப்பட்டு நான்கு மாதங்களுக்கு முன்புதான் அஞ்சுவுக்கும் நந்துவுக்கும் திருமணம் நடைபெற்றது. இருப்பினும், திருமணமாகி ஒரே வாரத்தில் வரதட்சணை பற்றாக்குறை என்று கூறி கணவரின் வீட்டார் தொந்தரவு செய்யத் தொடங்கியுள்ளனர். திருமணம் முடிந்த ஒரு மாதத்தில் நந்து சவுதி அரேபியாவுக்குச் சென்ற நிலையில், அஞ்சுவையும் அங்கு அழைத்துச் சென்றுள்ளார். அங்கு சென்ற பிறகு வரதட்சணைக் கொடுமை மேலும் தீவிரமடைந்து, கணவரின் அத்துமீறல்கள் எல்லையைக் கடந்துள்ளன.

சவுதி அரேபியாவில் இருந்தபோது கணவர் நந்து பிரஷர் குக்கர், கல் மற்றும் லேப்டாப் சார்ஜர் கேபிள்களைக் கொண்டு அஞ்சுவைக் கொடூரமாகத் தாக்கியுள்ளார். இதில் அஞ்சுவுக்குத் தலையில் பலத்த காயம் ஏற்பட்டதுடன், வயிற்றில் உதைத்தும், அந்தரங்க உறுப்புகளில் தாக்கியும் சித்திரவதை செய்யப்பட்டுள்ளார். இத்தகைய தொடர் தாக்குதல்களால் அவரது உடல் முழுவதும் படுகாயத் தழும்புகள் ஏற்பட்டுள்ளன. மேலும், கத்தியைக் காட்டி மிரட்டி, திருமணத்திற்கு முன்பு பலருடன் தொடர்பில் இருந்ததாகவும், விவாகரத்துக்குப் பின் தவறான தொழிலில் ஈடுபட விரும்புவதாகவும் ஒப்புக்கொள்ள வைக்கும் குரல் பதிவுகளையும் கட்டாயப்படுத்தி நந்து பதிவு செய்துள்ளார்.

இந்தக் கொடூரமான சித்திரவதைகளைத் தொடர்ந்து அஞ்சு கேரளாவுக்குத் திரும்ப அழைத்து வரப்பட்ட பிறகே, அவருக்கு மருத்துவ சிகிச்சையும் காவல்துறையை அணுகும் வாய்ப்பும் கிடைத்துள்ளது. இருப்பினும், மருத்துவமனையில் காவல்துறையினர் வாக்குமூலம் பெறும்போது, தனது வயிறு மற்றும் அந்தரங்க உறுப்புகளில் நடந்த தாக்குதல்கள் குறித்த விவரங்களை முறையான வகையில் பதிவு செய்யவில்லை என்று அஞ்சு குற்றம் சாட்டியுள்ளார். இந்த விவகாரத்தில் காவல்துறையினர் தீவிர விசாரணை நடத்தி வருகின்றனர்.