பகீர்..! நடுரோட்டில் மனைவியை இழுத்து போட்டு துடிக்க துடிக்க கொன்ற கணவன்… காப்பாற்றாமல் வீடியோ எடுத்த பொதுமக்கள்… பதறவைக்கும் வீடியோ வைரல்..!!

கர்நாடக மாநிலம் கலபுரகி மாவட்டத்தில், 28 வயதான ஷைலா என்ற இளம்பெண் தனது கணவர் அக்ஷய் ஜாதவ் என்பவரால் பட்டப்பகலில் கொடூரமாகக் கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது. தம்பதியினர் இருவரும் கோவிலுக்குச் சென்றுவிட்டு காரில் திரும்பிக் கொண்டிருந்தபோது, திடீரென காரை நிறுத்திய அக்ஷய், ஷைலாவை வலுக்கட்டாயமாக வெளியே இழுத்துப் போட்டுள்ளார். பின்னர், தான் மறைத்து வைத்திருந்த அரிவாளால் அவரை சரமாரியாகத் தாக்கியுள்ளார்.

https://x.com/Rajmajiofficial/status/2037160390900293797?s=20

இந்தக் கொடூரத் தாக்குதலின் உச்சகட்டமாக, படுகாயமடைந்து உயிருக்குப் போராடிக்கொண்டிருந்த ஷைலாவின் உடல் மீது அக்ஷய் காரை ஏற்றிச் சென்றுள்ளார். இதில் பலத்த காயமடைந்த அந்தப் பெண் சம்பவ இடத்திலேயே துடிதுடிக்க உயிரிழந்தார். இந்தச் சம்பவம் அங்கிருந்த பொதுமக்களின் கண் முன்னாலேயே நிகழ்ந்துள்ளது. அங்கிருந்தவர்கள் பலரும் இக்கொடூரத்தை தங்கள் செல்போன்களில் வீடியோ எடுத்தார்களே தவிர, யாரும் அதனைத் தடுக்க முன்வரவில்லை என்பது வேதனையான விஷயமாகப் பார்க்கப்படுகிறது.

தகவலறிந்து சம்பவ இடத்திற்கு விரைந்த போலீசார், கொலையாளி அக்ஷய் ஜாதவைக் கைது செய்து சிறையில் அடைத்தனர். முதற்கட்ட விசாரணையில் குடும்பத் தகராறு காரணமாக இந்தக் கொலை நடந்திருக்கலாம் எனத் தெரியவந்துள்ளது. தற்போது அக்ஷய் போலீஸ் காவலில் வைக்கப்பட்டுள்ள நிலையில், இந்தத் திட்டமிட்ட கொலைக் குறித்து போலீசார் தீவிர விசாரணை மேற்கொண்டு வருகின்றனர்.