“நீல நிற டிரம்.. சிமெண்ட் மூட்டை” ரெடியான ஸ்கெட்ச்.. மனைவியைத் துண்டு துண்டாக வெட்டத் துணிந்த கணவன்.. டுவிஸ்ட் கொடுத்த மனைவி… ஃபேஸ்புக் பதிவால் வந்த விபரீதம்..!!

உத்தரப் பிரதேசத்தைச் சேர்ந்த நபர் ஒருவர், தனது மனைவியின் ஃபேஸ்புக் பதிவால் ஏற்பட்ட சந்தேகத்தால் அவரைத் துண்டு துண்டாக வெட்டிக் கொலை செய்யத் திட்டமிட்ட சம்பவம் பெரும் பரபரப்பை ஏற்படுத்தியுள்ளது. அந்த நபர், தனது மனைவியைக் கொன்று உடலை மறைப்பதற்காக நீல நிற பிளாஸ்டிக் பேரல் மற்றும் சிமெண்ட் மூட்டைகளை முன்கூட்டியே வாங்கி வந்து வீட்டில் வைத்துள்ளார். சமூக வலைதளத்தில் தனது மனைவி பதிவிட்ட ஒரு போஸ்ட், அவர் யாருடனோ ரகசியத் தொடர்பில் இருப்பதாகக் கணவனை நம்ப வைத்ததே இந்த விபரீத முடிவுக்குக் காரணமாகக் கூறப்படுகிறது.

திட்டமிட்டபடி மனைவியைக் கொலை செய்ய முயன்றபோது, அதிர்ஷ்டவசமாக அந்தப் பெண் அங்கிருந்து தப்பித்து அருகிலுள்ள காவல் நிலையத்திற்குச் சென்று தஞ்சம் புகுந்தார். உடனடியாகச் சம்பவ இடத்திற்கு விரைந்த காவல்துறையினர், அந்த நபர் மறைத்து வைத்திருந்த நீல நிற டிரம் மற்றும் சிமெண்ட் மூட்டைகளைக் கைப்பற்றினர். இது தொடர்பாக வெளியாகியுள்ள வீடியோவில், அந்த நபர் தனது குற்றத்தை ஒப்புக்கொள்வதோடு, மனைவியின் நடத்தையில் சந்தேகம் இருந்ததால் தான் இவ்வாறு செய்யத் துணிந்ததாகக் கூறுவது பார்ப்போரை அதிர வைக்கிறது.

இந்தச் சம்பவம் குறித்து வழக்குப் பதிவு செய்துள்ள காவல்துறையினர், அந்த நபரைக் கைது செய்து சிறையில் அடைத்தனர். “சமூக வலைதளங்கள் குடும்ப உறவுகளில் எவ்வளவு பெரிய விரிசலை ஏற்படுத்துகின்றன என்பதற்கு இந்தச் சம்பவமே சாட்சி” என்று சமூக ஆர்வலர்கள் கவலை தெரிவித்துள்ளனர். திட்டமிட்ட கொலையிலிருந்து அந்தப் பெண் மயிரிழையில் உயிர் தப்பியது அப்பகுதி மக்களிடையே பெரும் பேசுபொருளாக மாறியுள்ளது.