“என்னை விட்டுடுங்க…” கதறிய பெண்… காதலித்து கரம் பிடித்த மனைவியை துடிதுடிக்க வெட்டிய கணவன்… திருப்பூரை உலுக்கிய கொடூர சம்பவம்…!!

திண்டுக்கல் மாவட்டத்தைப் பூர்வீகமாகக் கொண்ட பழனிசாமி – தனலட்சுமி தம்பதியினர், திருப்பூர் பல்லடம் பகுதியில் பல ஆண்டுகளாக குடும்பத்துடன் வசித்து வந்தனர். இவர்களது மகள் பூவரசி, சமூக வலைதளமான இன்ஸ்டாகிராம் மூலமாக திண்டுக்கல்லைச் சேர்ந்த அக்‌ஷய் என்ற இளைஞருடன் பழகி வந்துள்ளார். இந்த நட்பு நாளடைவில் காதலாக மாறிய நிலையில், கடந்த சில மாதங்களுக்கு முன்பு பெற்றோர்களுக்குத் தெரியாமல் இருவரும் ரகசியமாகத் திருமணம் செய்துகொண்டுள்ளனர். எனினும், திருமணத்திற்குப் பிறகும் அவர்கள் ஒரே வீட்டில் சேர்ந்து வாழாமல் தனித்தனியாகவே வசித்து வந்துள்ளனர்.

இந்நிலையில், தங்களின் திருமண விவகாரம் குறித்து சமரசம் செய்துகொள்ளலாம் என்று கூறி அக்‌ஷய் பட்டப்பகலில் பூவரசியின் வீட்டிற்கு வந்துள்ளார். பேச்சுவார்த்தை நடத்தும் சாக்கில் வீட்டிற்குள் நுழைந்த அவர், திடீரெனத் தனது மனைவியான பூவரசியையும், மாமியார் தனலட்சுமியையும் கொடூரமாக வெட்டிக் கொலை செய்துள்ளார். திருப்பூர் மக்கள் மத்தியில் பெரும் அதிர்ச்சியையும் அச்சத்தையும் ஏற்படுத்தியுள்ள இந்த கொடூர இரட்டைக் கொலைச் சம்பவம் குறித்து காவல்துறையினர் தீவிரமாக விசாரித்து வருகின்றனர்.