“கந்தன் மலை” படத்தில் கதாநாயகியே கிடையாது… படம் குறித்து ஹெச்.ராஜா பகிர்ந்த விஷயம்..!

பாஜக தேசிய செயற்குழு உறுப்பினரான எச்.ராஜா. இவருடன் சினிமாவை பொருத்திப் பார்க்கவே முடியாது. அப்படியிருந்தும் எப்படி சினிமாவில் ஹீரோவானார். ஆடிட்டர் அரசியல்வாதியான இவர் தனது அதிரடி பேச்சால் கட்சிக்காரர்களை ஈர்ப்பவர். எதிர்க்கட்சிகளை வயிற்றிலேயே புளி கரைக்க வைப்பவர். தமிழகத்தில் தேசிய அளவிலான கட்சிப் பொறுப்புகளில் தலைவராக இருந்த எச். ராஜா. எப்படி சினிமாவில் ஹீரோவானார் என்பது நம்ப முடியாத ஒன்று. இயக்குனர் வீர முருகன் இயக்கத்தில் உருவாகி வரும் ‘கந்தன் மலை’ படத்தின் முதல் போஸ்டரை வெளியிட்ட நிலையில் தான் நம்பாமல் இருக்க முடியவில்லை.

இந்தநிலையில் பேட்டி ஒன்றில் பேசிய எச்.ராஜா பலர் சினிமாவில் இருந்த அரசியலுக்கு வருகின்றனர். ஆனால் நான் அரசியலில் இருந்து சினிமாவிற்கு வந்திருக்கிறேன். அதன் காரணம் அவரது நண்பரான வீர முருகன் படம் எடுக்க வேண்டும் என்று கூறினார். இந்தக் கதை திருப்பரங்குன்றம் மலையைச் சுற்றியுள்ள பகுதியில் நடக்கும் உண்மை சம்பவத்தின் அடிப்படையில் உருவாகியுள்ளது என்றும் .இதில் கந்தன் மலை பகுதியில் ஊர் தலைவராக முக்கியமான கதாபாத்திரத்தில் நடிக்கிறேன் என்று கூறினார். ஹீரோவை மையமாகக் கொண்டு இந்த படத்தை எடுக்கப்பட்டுள்ளது. இந்த படத்தில் எனக்கு ஜோடியாக நடிக்க ஹீரோயின் இல்லை .இதில் காமெடி, பொழுதுபோக்கு மற்றும் பாடல் என அனைத்தும் இருக்கிறது. இந்த படத்தில் சரவணன் தர்மன் என சிலர் நடித்துள்ளனர். படம் பிடிப்பு பெரும்பாலும் முடிந்து விட்டது என்று கூறினார். அரசியலில் நீங்கள் பேசும் பேச்சுகள் அனைத்தும் ட்ரெண்டிங் ஆகிவிடும். அதேபோல் சினிமாவும் இருக்கும் என நினைத்தீர்களா என்று கேட்டதற்கு ,திருப்பரங்குன்றன் முருகன் அருள் எனக்கு இருக்கு என்றும்  அதைப்போல மக்களுக்கிடையே ஆதரவு கிடைக்கும் என்று கூறினார்.