“காதலனுக்காக கணவனுக்கு வைக்கப்பட்ட செக்”… பெண் செய்த கொடூரம்… போஸ்ட்மார்ட்டம் ரிப்போர்டில் வெளிவந்த உண்மை… ஜெய்ப்பூரை உலுக்கிய பயங்கரம்…!!

ராஜஸ்தான் மாநிலம் ஜெய்ப்பூரில், எட்டு வருட காதலைத் தொடர விரும்பிய பெண் ஒருவர், தன் பழைய காதலனுடன் இணைந்து கணவரைத் தீர்த்துக்கட்ட சதித்திட்டம் தீட்டினார். காதலனிடம் இருந்து ஆபத்தான நச்சு மருந்தைப் பெற்றுக் கொண்ட அவர், கணவரை நயமாகப் பேசி சந்தைக்கு அழைத்துச் சென்று பழச்சாற்றில் அம்மருந்தைக் கலந்து கொடுத்துள்ளார். நஞ்சின் வீரியத்தால் கணவர் சுயநினைவை இழக்கும் வரை, அவருடன் நீண்ட நேரம் இருசக்கர வாகனத்திலேயே ஊர் சுற்றியுள்ளார்.

கணவருக்குத் திடீரென உடல்நலக்குறைவு ஏற்பட்டதாகக் குடும்பத்தினரிடம் நாடகமாடி மருத்துவமனைக்கு அழைத்துச் சென்றார்; எனினும், அவர் சிகிச்சை பலனின்றி வழியிலேயே பரிதாபமாக உயிரிழந்தார். ஒன்றும் அறியாதது போல் நடந்துகொண்ட மனைவியின் நடவடிக்கைகளில் குடும்பத்தினருக்குத் தீவிர சந்தேகம் எழுந்தது. இறுதியாக, பிரேதப் பரிசோதனை அறிக்கையில் விஷம் கொடுக்கப்பட்ட உண்மை வெளிச்சத்திற்கு வந்ததைத் தொடர்ந்து, காவல்துறையினர் அப்பெண்ணைக் கைது செய்து சிறையில் அடைத்தனர்.