கர்நாடக மாநிலம் சாகர் நகரில் உள்ள ஒரு வாகன விற்பனை நிலையத்திலிருந்து புதிய காரை ஓட்டிச் சென்ற சில நிமிடங்களிலேயே அந்த நபர் விபத்தில் சிக்கினார். கட்டுப்பாட்டை இழந்த அந்தப் புதிய கார், சாலையோரம் இருந்த பாதுகாப்புத் தடுப்புச் சுவரை உடைத்துக் கொண்டு, இருவருடன் சென்று கொண்டிருந்த மோட்டார் சைக்கிள் மீது மோதியது.
இந்த கோர விபத்தில் மோட்டார் சைக்கிளை ஓட்டிச் சென்ற ஓட்டுநரும், பின்னால் அமர்ந்திருந்த பயணியும் பலத்த காயமடைந்தனர். விபத்து நடந்த அந்தப் பகுதியின் சிசிடிவி காட்சிகள் தற்போது சமூக வலைதளங்களில் வெளியாகி பரவி வருகின்றன.
இதுகுறித்து சாகர் நகர் காவல் நிலைய போலீசார் வழக்குப்பதிவு செய்து தீவிர விசாரணை நடத்தி வருகின்றனர்.