திரிஷா தமிழக முதல்வர்.. விஜய் இந்திய பிரதமர்.. ஜாதகப் பொருத்தம் அம்சமா இருக்கு… பரபரப்பை கிளப்பிய பிரபல ஜோதிடர்..!!

பிரபல எண்கணித ஜோதிடர் ஆரியவர்தன், நடிகர் விஜய் மற்றும் நடிகை த்ரிஷா ஆகியோரின் ஜாதக அமைப்புகள் குறித்து வெளியிட்டிருக்கும் கணிப்புகள் தற்போது இணையத்தில் பெரும் அதிர்வலைகளை ஏற்படுத்தி வருகின்றன. விஜயின் ஜாதக வலிமையின்படி அவர் வருங்காலத்தில் இந்தியப் பிரதமராக உயர்வார் என்றும், அதேபோல் த்ரிஷாவின் ராசி மற்றும் நட்சத்திர பலன்களின்படி அவர் தமிழகத்தின் முதலமைச்சராகப் பதவியேற்பது நிச்சயம் என்றும் ஆரியவர்தன் தெரிவித்துள்ளார். இவர்களது ஜாதக ரீதியிலான அரசியல் எதிர்காலம் குறித்த இந்த வீடியோ சமூக வலைதளங்களில் வைரலாகி, விவாதப் பொருளாக மாறியுள்ளது.

தமிழக அரசியலில் ஒரு புதிய மாற்றத்தைக் கொண்டுவர வேண்டும் என்ற நோக்கோடு களமிறங்கிய விஜய், 2026-ஆம் ஆண்டு நடைபெற்ற சட்டப்பேரவைத் தேர்தலில் மிகப்பெரிய வெற்றியைப் பதிவு செய்துள்ளார். இதன் மூலம் சினிமா துறையிலிருந்து வந்து, கிட்டத்தட்ட 49 ஆண்டுகளுக்குப் பிறகு தமிழகத்தின் முதல்வராகப் பதவியேற்றவர் என்ற வரலாற்றுச் சாதனையை அவர் படைத்துள்ளார். கடந்த மே 10-ஆம் தேதி முதல்வராகப் பொறுப்பேற்றது முதல், மக்கள் நலப் பணிகளில் அவர் தீவிரமாக ஈடுபட்டு வருவது குறிப்பிடத்தக்கது.

தனிப்பட்ட வாழ்க்கையில் பல்வேறு வதந்திகளும் சர்ச்சைகளும் ஒருபுறம் பேசப்பட்டு வந்தாலும், த்ரிஷா அரசியலில் நுழைய அதிக வாய்ப்புகள் இருப்பதாக அரசியல் விமர்சகர்கள் கருதுகின்றனர். ரசிகர்களிடையே இதுகுறித்த எதிர்பார்ப்பு நிலவி வரும் சூழலில், ஆரியவர்தனின் இந்த ஜோதிடக் கணிப்பு அதற்கு மேலும் வலு சேர்ப்பது போல் அமைந்துள்ளது. விஜயின் அரசியல் பயணம் தேசிய அளவிலும், த்ரிஷாவின் அரசியல் வருகை மாநில அளவிலும் பெரிய மாற்றங்களை ஏற்படுத்தும் என்பதே இந்த வைரல் செய்தியின் சாரமாக உள்ளது.