தமிழ் சினிமாவில் 4 படங்களை இயக்கி அதில் 3 தோல்வி படங்களை கொடுத்தவர் இயக்குனர் ராஜகுமாரன். முன்னணி நடிகையாக இருந்த தேவயானி அப்போது அவரை காதலித்து திருமணம் செய்து கொண்டார். சமீப காலமாக யூடியூப் சேனல்களில் பங்கேற்கும் இயக்குனர் ராஜகுமாரன் பலரையும் தாறுமாறாக விமர்சனம் செய்து பேசி வருகிறார் என்பது குறிப்பிடத்தக்கது.
இந்நிலையில் சமீபத்தில் ஒரு நேர்காணலில் பேசிய இயக்குனர் ராஜகுமாரன் கூறியதாவது, தேவயானிக்குத்தான் என் சப்போர்ட் 100 சதவீதம் தேவை. எனக்கு அவங்க சப்போர்ட் தேவை இல்லை. அவங்களுக்கு முன்னாடியே நான் சினிமாவுக்கு வந்தவன். அவங்களால எனக்கு என்ன சப்போர்ட் பண்ண முடியும்? ரஜினி சார் கிட்ட போன் பண்ணி கேட்டு எனக்கு வாய்ப்பு வாங்கி தர முடியுமா?
இன்னைக்கும் ஏதாவது அவங்களுக்கு அக்ரீமெண்ட் வந்தால் நான்தான் அவங்களுக்கு என்ன செய்யணும்ன்னு சொல்லுவேன். அவங்களுக்கு நான் சப்போர்ட் பண்றதால தான் தேவயானின்னு ஒருத்தர் இன்னும் இருக்காங்க. குடும்பத்தை பார்த்துக் கொள்வதும், நான் இல்லேன்னா பசங்களை பாத்துக்குறதும்தான் அவங்க எனக்கு செய்கிற சப்போர்ட் என்று இயக்குனர் ராஜகுமாரன் கூறியிருக்கிறார். இது வைரலாகி வருகிறது.