பிரேசில் நாட்டில் மணப்பெண் ஒருவர், தனது திருமணத்தன்று மணமகனுக்கு ஒரு இன்ப அதிர்ச்சி (Surprise) கொடுக்க விரும்பினார். மற்றவர்கள் போல் காரில் வராமல், ஹெலிகாப்டரில் திருமண மேடைக்கு வந்து இறங்க வேண்டும் என்பது அவரது நீண்ட கால கனவாக இருந்தது. இதற்காக அனைத்து ஏற்பாடுகளும் மிகச்சிறப்பாக செய்யப்பட்டிருந்தன. ஆனால், வானிலை எதிர்பாராத விதமாக திடீரென மாறியது.
வானில் பறந்துகொண்டிருந்தபோது கட்டுப்பாட்டை இழந்த ஹெலிகாப்டர், தரையில் மோதி விபத்துக்குள்ளானது. இதில் அந்த மணப்பெண், அவரது சகோதரர், விமானி மற்றும் அந்தத் திருமணத்தைப் புகைப்படம் எடுக்க வந்த கர்ப்பிணிப் பெண் என நால்வரும் சம்பவ இடத்திலேயே உயிரிழந்தனர். அதே நேரத்தில், திருமண மண்டபத்தில் தனது வருங்கால மனைவி எப்போது வருவார் என்று மணமகன் மிகுந்த உற்சாகத்துடனும், எதிர்பார்ப்புடனும் காத்திருந்தார். அவர் தனது வாழ்வின் மிகப்பெரிய இன்பத்தை எதிர்நோக்கியிருந்த அந்த நொடியில், அவரிடமிருந்து அனைத்தும் பறிக்கப்பட்டுவிட்டதை அவர் அறிந்திருக்கவில்லை.
¡QUÉ TRISTEZA TAN GRANDE! 😢💔
Una novia brasileña soñaba con una entrada inolvidable: llegar en helicóptero a su boda para sorprender a su novio. Todo estaba perfecto… hasta que el clima cambió de repente. El helicóptero perdió el control y se estrelló.
Murieron la novia, su… pic.twitter.com/OlqRmYZWq8— AntiSantos (@JuampaSantos) April 16, 2026
மிகப்பெரிய கொண்டாட்டமாகத் தொடங்கிய ஒரு நாள், சில நிமிடங்களில் ஈடுகட்ட முடியாத துயரமாக மாறியது. வாழ்க்கை எவ்வளவு நிலையற்றது என்பதையும், ஒரு நொடியில் எல்லாம் மாறிவிடும் என்பதையும் இந்தச் சம்பவம் உணர்த்துகிறது. அந்த அழகிய மணப்பெண்ணின் ஆன்மா சாந்தியடையட்டும்.