“மேலாளர்களின் டார்ச்சர்”… உயிரைப் பணயம் வைத்து தண்டவாளத்தில் நடந்த ஊழியர்கள்… டார்ச் வெளிச்சத்தில் மரண பயம்… நெஞ்சை உலுக்கும் காட்சிகள்…!

மும்பையில் பெய்து வரும் கனமழை காரணமாக வசாய் மற்றும் விரார் இடையேயான புறநகர் இரயில் சேவைகள் கடுமையாகப் பாதிக்கப்பட்டுள்ளன. தண்டவாளங்களில் வெள்ளம் சூழ்ந்ததால் இரயில்கள் நிறுத்தப்பட்ட நிலையில், நள்ளிரவில் பொதுமக்கள் தங்களின் மொபைல் போன் டார்ச் விளக்குகளின் வெளிச்சத்தில் வெள்ள நீரில் ஆபத்தாக நடந்து செல்லும் நெஞ்சை உலுக்கும் வீடியோ ஒன்று இன்ஸ்டாகிராமில் வெளியாகி வைரலாகி வருகிறது. போதிய வெளிச்சமோ, மொபைல் நெட்வொர்க்கோ இல்லாத சூழ்நிலையில், பசியோடும் சோர்வோடும் தங்களின் வாழ்வாதாரத்திற்காக மக்கள் நள்ளிரவு 2 மணி வரை தண்டவாளத்தில் நடந்து சென்ற இந்த காட்சிகள் சமூக வலைதளங்களில் பெரும் அதிர்ச்சியையும் சோகத்தையும் ஏற்படுத்தியுள்ளது.

https://www.instagram.com/reel/DafGvHFxQHi/?utm_source=ig_embed&ig_rid=AYePJj9OKgC30ktBIeLRw1R

இந்த வீடியோவைக் கண்ட இணையவாசிகள் தங்களின் ஆதங்கத்தையும், உழைக்கும் மக்கள் மீதான அனுதாபத்தையும் வெளிப்படுத்தி வருகின்றனர். இத்தகைய பேரிடர் காலங்களிலும் ஊழியர்களின் பாதுகாப்பைக் கருத்தில் கொள்ளாமல், வீட்டில் இருந்து வேலை செய்ய அனுமதி மறுக்கும் நிறுவனங்களையும் அவர்களின் மேலாளர்களையும் பலரும் கடுமையாக விமர்சித்து வருகின்றனர். இயற்கை சீற்றங்களின் போது ஊழியர்களைக் கட்டாயப்படுத்தி அலுவலகத்திற்கு வரவழைப்பதோ அல்லது அதற்குப் பகரமாக அவர்களின் சொந்த விடுப்புகளை எடுக்கச் சொல்வதோ நியாயமற்றது என்றும், கடுமையான காலநிலையின் போது நிறுவனங்கள் நெகிழ்வான வீட்டிலிருந்தே வேலை செய்யும் கொள்கைகளை அமல்படுத்தி ஊழியர்களின் பாதுகாப்பை உறுதி செய்ய வேண்டும் என்றும் கோரிக்கைகள் வலுத்து வருகின்றன.