2026 தமிழக சட்டமன்றத் தேர்தலில் திமுக கூட்டணியில் மதிமுகவுக்கு 4 தொகுதிகள் ஒதுக்கப்பட்டுள்ள நிலையில், அக்கட்சியின் பொதுச்செயலாளர் வைகோ தேர்தலில் போட்டியிடுவாரா என்ற எதிர்பார்ப்பு நிலவியது. இது குறித்துத் திட்டவட்டமாகப் பதிலளித்த வைகோ, வரும் தேர்தலில் போட்டியிடும் எண்ணம் தனக்கு ஒரு சதவீதம் கூட இல்லை என்றும், தான் தேர்தலில் போட்டியிடப் போவதில்லை என்றும் அறிவித்து ஊகங்களுக்கு முற்றுப்புள்ளி வைத்துள்ளார்.
மேலும், புதிதாகத் தொடங்கப்பட்டுள்ள தமிழக வெற்றிக் கழகம் (TVK), பாஜக அல்லது அதிமுகவுடன் கூட்டணி அமைத்தாலும் அது தேர்தல் முடிவுகளைப் பாதிக்காது என்றும், வரும் 2026 சட்டமன்றத் தேர்தலில் திமுக தலைமையிலான கூட்டணியே மீண்டும் அமோக வெற்றி பெற்று ஆட்சியைக் கைப்பற்றும் என்றும் அவர் மிகுந்த நம்பிக்கையுடன் தெரிவித்துள்ளார்.