ஹிட் பாடல் கொடுத்த பிரபல இசையமைப்பாளர்.. அவர்தான் வேண்டும் என்று அடுத்த படத்திற்கும் புக் செய்த ஜெயம் ரவி..!!

பிரபல நடிகரான ஜெயம் ரவி எம்.ராஜேஷ் இயக்கத்தில் உருவான பிரதர் திரைப்படத்தில் நடித்துள்ளார். இந்த படத்தின் அறிவிப்பு கடந்த ஆண்டு செப்டம்பர் மாதமே வெளியானது. ஆனால் ஒரு சில காரணங்களால் ஷூட்டிங் தாமதமானது. பிரதர் திரைப்படத்தில் ஜெயம் ரவிக்கு ஜோடியாக பிரியங்கா மோகன் நடித்துள்ளார்.

மேலும் சரண்யா பொன்வண்ணன், விடிவி. கணேஷ், நட்டி, பூமிகா சீதா உள்ளிட்ட பலர் முக்கிய கதாபாத்திரத்தில் நடித்துள்ளனர். இந்த திரைப்படத்திற்கு ஹாரிஸ் ஜெயராஜ் இசை அமைத்துள்ளார். பிரதர்’ படத்தில் இடம்பெற்ற மக்கா மிஷி பாடல் சூப்பர் ஹிட் ஆனது. எங்க பார்த்தாலும் சோசியல் மீடியாவில் அந்த பாடல் தான் டிரெண்ட் ஆகிக்கொண்டிருக்கிறது.

சமீபத்தில் பிரதர் படத்தின் இசை வெளியீட்டு விழா சென்னையில் நடைபெற்றது. அப்போது இசையமைப்பாளர் ஹாரிஸ் ஜெயராஜ் உடன் இணைந்து ஜெயம் ரவி நடனம் ஆடினார். ஜெயம் ரவி அடுத்ததாக கணேஷ் கே பாபு இயக்கத்தில் உருவாகும் படத்தில் அடுத்ததாக நடிக்க உள்ளார். இவர் ஏற்கனவே டாடா படத்தை இயக்கி வெற்றி பெற்றவர். இந்த படத்தை ஸ்கிரீன் சீன் நிறுவனம் தான் தயாரிக்கிறது.

ஏற்கனவே கமிட்டான பிரதர் சீனி காதலிக்க நேரமில்லை ஆகிய படங்கள் மக்களிடையே மிகுந்த எதிர்பார்ப்பை ஏற்படுத்தி உள்ளது. அப்படி இருக்க கணேஷ் கே பாபு இயக்கத்தில் ஜெயம் ரவி நடிக்கும் படமும்  நல்ல வரவேற்பு பெறும் என எதிர்பார்க்கப்படுகிறது. இதில் முக்கியமான விஷயம் என்னவென்றால் இந்த படத்திற்கும் ஹாரிஸ் ஜெயராஜ் தான் இசையமைக்க வேண்டும் என ஜெயம் ரவி கூறிவிட்டாராம். அதனை ஏற்று படக்குழுவினர் அவரையே மியூசிக் டைரக்டராக புக் செய்துள்ளனர்.