மைதானத்தை விட்டு வெளியேற மறுத்த ஹார்டிக் பாண்ட்யா காதலி மஹிகா சர்மா..? ஐசிசி அதிகாரியுடன் வாக்குவாதம்..? வைரலாகும் வீடியோ இதோ..!!

2026 ஐசிசி டி20 உலகக் கோப்பையை இந்திய அணி வென்ற பிறகு, அகமதாபாத் நரேந்திர மோடி மைதானத்தில் நடந்த கொண்டாட்டங்கள் தொடர்பான வீடியோக்கள் சமூக வலைதளங்களில் தொடர்ந்து வைரலாகி வருகின்றன. அந்த வகையில், இந்திய அணியின் நட்சத்திர வீரர் ஹார்டிக் பாண்ட்யா மற்றும் அவரது காதலி மஹிகா சர்மா ஆகியோர் மைதானத்தின் நடுவே இருக்கும் புதிய வீடியோ ஒன்று வெளியாகி விவாதத்தைக் கிளப்பியுள்ளது. வெற்றி மகிழ்ச்சியில் ஒட்டுமொத்த அணியும் உற்சாகத்தில் இருந்தபோது எடுக்கப்பட்ட இந்த வீடியோ இப்போது இணையத்தில் பரவி வருகிறது.

எக்ஸ் (X) தளத்தில் பகிரப்பட்ட அந்த வீடியோவில், ஐசிசி அதிகாரி ஒருவர் ஹார்டிக் பாண்ட்யா மற்றும் மஹிகா சர்மாவை அணுகிப் பேசுவது தெரிகிறது. இந்திய அணியினர் அனைவரும் இணைந்து குழு புகைப்படம் (Team Photo) எடுப்பதற்காகத் தயாரானபோது, மஹிகாவை அங்கிருந்து சற்று விலகிச் செல்லுமாறு அந்த அதிகாரி கேட்டுக்கொண்டதாகக் கூறப்படுகிறது. ஆனால், மஹிகா சர்மா அங்கிருந்து நகர மறுத்ததாகவும், அதிகாரியுடன் சிறிது நேரம் உரையாடிய பிறகு அந்த அதிகாரி அங்கிருந்து வெளியேறியதாகவும் அந்த வீடியோவைப் பகிர்ந்த பயனர் குறிப்பிட்டுள்ளார்.

இந்தச் சம்பவம் தொடர்பாகப் பதிவிட்டுள்ள சமூக வலைதளப் பயனர் ஒருவர், கவனத்தை ஈர்ப்பதற்காகவே மஹிகா சர்மா அங்கிருந்து நகர மறுத்ததாகக் கடுமையாக விமர்சித்துள்ளார். இருப்பினும், அந்த வீடியோவில் உரையாடல்கள் எதுவும் தெளிவாகக் கேட்கவில்லை என்பதால், உண்மையில் அங்கு என்ன பேசப்பட்டது என்பது குறித்த அதிகாரப்பூர்வத் தகவல்கள் ஏதும் இல்லை. மேலும், இந்த வீடியோவின் நம்பகத்தன்மை குறித்தோ அல்லது அந்த அதிகாரியின் கோரிக்கை குறித்தோ இந்திய கிரிக்கெட் வாரியமோ (BCCI) அல்லது ஐசிசியோ இதுவரை எந்த விளக்கமும் அளிக்கவில்லை.