உத்தரப் பிரதேச மாநிலம் மிர்சாபூரில், வழக்கறிஞர் ஒருவர் பட்டப்பகலில் சுட்டுக் கொல்லப்பட்ட அதிர்ச்சியூட்டும் சம்பவம் அரங்கேறியுள்ளது. இந்த கொடூரக் கொலை அங்கிருந்த சிசிடிவி கேமராவில் பதிவாகியுள்ளது. அந்த வீடியோவில், வழக்கறிஞரை வழிமறித்த மர்ம நபர்கள், கண் இமைக்கும் நேரத்தில் அவரைத் துப்பாக்கியால் சுட்டுத் தள்ளியதைக் காண முடிகிறது. இந்தச் சம்பவம் அப்பகுதியில் பெரும் பதற்றத்தை ஏற்படுத்தியுள்ளது.
கொலையைச் செய்துவிட்டு குற்றவாளிகள் இருவரும் இருசக்கர வாகனத்தில் தப்பிச் செல்ல முயன்றனர். அப்போது எதிர்பாராத விதமாக அவர்களது வாகனத்தில் தொழில்நுட்பக் கோளாறு ஏற்பட்டு பாதியிலேயே நின்றது. இதனால் பதற்றமடைந்த கொலையாளிகள், வண்டியை அங்கேயே விட்டுவிட்டுத் தப்பியோடினர். இந்த காட்சிகள் அனைத்தும் வீடியோவில் தெளிவாகப் பதிவாகியுள்ளன. இது குற்றவாளிகளை அடையாளம் காணப் போலீசாருக்கு முக்கிய ஆதாரமாக மாறியுள்ளது.
Real-life ‘Mirzapur’ moment: Lawyer shot dead in UP
In Mirzapur, lawyer Rajeev Singh was shot dead during a morning walk.
Attackers tried to flee, but their bike failed to start kicking it repeatedly as locals closed in. One suspect pointed a gun at the crowd before escaping.… pic.twitter.com/zK1IMXiYBE
— The News Drill™ (@thenewsdrill) April 11, 2026
மக்கள் நடமாட்டம் மிகுந்த பகுதியில் ஒரு வழக்கறிஞர் இவ்வளவு துணிச்சலாகக் கொல்லப்பட்டது உத்தரப் பிரதேசத்தில் சட்டம் ஒழுங்கு குறித்த கேள்விகளை எழுப்பியுள்ளது. போலீசார் இந்த வழக்கை தீவிரமாக விசாரித்து வருவதோடு, தப்பியோடிய கொலையாளிகளைத் தேடி வருகின்றனர். இந்தச் சம்பவம் வழக்கறிஞர்கள் மத்தியில் பெரும் கொந்தளிப்பை ஏற்படுத்தியுள்ளது.