ஏமன் நாட்டின் இப் நகரில், இடம்பெயர்ந்து வாழ்ந்து வரும் பெண் மருத்துவர் ஒருவர் மீது ஹூதி இயக்கத்தைச் சேர்ந்த அதிகாரி மற்றும் அவரது கும்பல் நடத்திய கொடூரத் தாக்குதலின் வீடியோ சமூக வலைதளங்களில் வெளியாகி உலகளவில் பெரும் அதிர்ச்சியை ஏற்படுத்தியுள்ளது. ஷாயர் நீதிமன்றத்தின் செயலகத் தலைவராகப் பணியாற்றும் ஃபஹ்மி அல்-பார் என்பவரும் அவரது கூட்டாளிகளும் சேர்ந்து, அந்தப் பெண் மருத்துவரைத் தாக்கியதுடன் அவரது ஹிஜாப்பைப் பலவந்தமாகக் கழற்றி அசிங்கப்படுத்தியுள்ளனர்.
ஹூதி போராளிகளின் இதுபோன்ற தொடர்ச்சியான அத்துமீறல்களுக்கு எதிராக ஏமன் நாட்டு மக்கள் தங்களது எதிர்ப்பைப் பதிவிட்டு வருவதுடன், சம்பந்தப்பட்ட குற்றவாளிகள் மீது எந்த நடவடிக்கையும் எடுக்கப்படாமல் பாதுகாக்கப்படுவதாகக் குற்றம் சாட்டியுள்ளனர். போர்ச் சூழலில் அகதிகளாகவும் பாதிக்கப்படக்கூடியவர்களாகவும் இருக்கும் பெண்கள் மீது நடத்தப்படும் இதுபோன்ற வன்முறைகள் இணையத்தில் கடும் கண்டனங்களைப் பெற்று வருகின்றன.