தமிழக அரசியல் களத்தில் புதிய வரவாக இணைந்துள்ள நடிகர் விஜய்யின் தமிழக வெற்றி கழகம் வரவிருக்கும் சட்டமன்றத் தேர்தலில் தனித்துப் போட்டியிடுவதாக அறிவித்து தீவிரமாகச் செயல்பட்டு வருகிறது. இதன் ஒரு பகுதியாக, தமிழகம் முழுவதும் சுற்றுப்பயணம் மேற்கொண்டு வரும் விஜய், ஏப்ரல் 12-ஆம் தேதி கன்னியாகுமரி மாவட்டத்தில் தனது தேர்தல் பரப்புரையை முன்னெடுக்க உள்ளார்.
இதற்காக நாகர்கோவில் அருகே உள்ள விவேகானந்தர் கல்லூரி மைதானத்தில் பிரம்மாண்ட பொதுக்கூட்டம் நடத்தத் திட்டமிடப்பட்டுள்ள நிலையில், மாவட்ட காவல்துறை பல்வேறு நிபந்தனைகளுடன் தவெக-விற்குப் பொதுக்கூட்டம் நடத்த அனுமதி வழங்கியுள்ளது. பாதுகாப்பு மற்றும் போக்குவரத்து ஒழுங்குமுறைகளைக் கருத்தில் கொண்டு, மதியம் 2 மணி முதல் இரவு 8 மணி வரை மட்டுமே இந்தக் கூட்டத்தை நடத்த அனுமதி அளிக்கப்பட்டுள்ளது.
இதற்கான முன்னேற்பாடுகளைக் கவனிப்பதற்காகக் கட்சியின் மாநிலப் பொதுச் செயலாளர் ஆனந்த் உள்ளிட்ட முக்கிய நிர்வாகிகள் கன்னியாகுமரி விரைந்துள்ளனர். விவேகானந்தர் கல்லூரி மைதானத்தில் மேடை அமைக்கும் பணிகள் மற்றும் பாதுகாப்பு ஏற்பாடுகளை அவர்கள் நேரடியாக மேற்பார்வையிட உள்ளனர். தென் தமிழகத்தின் முக்கியப் பகுதியான கன்னியாகுமரியில் விஜய்யின் இந்தப் பரப்புரை, தவெக தொண்டர்கள் மத்தியில் பெரும் உற்சாகத்தை ஏற்படுத்தியுள்ளதுடன், அரசியல் வட்டாரத்தில் மிகுந்த எதிர்பார்ப்பையும் உருவாக்கியுள்ளது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…