“தாத்தா என்னை விட்ருங்க ப்ளீஸ்”…. பேத்தியை மிரட்டி கதற கதற…. 73 வயது முதியவர் செய்த கொடூரம்…. தமிழகமே அதிர்ச்சி….!

ராமநாதபுரம் மாவட்டம் பரமக்குடி அருகே நிகழ்ந்துள்ள இந்த கொடூர சம்பவம் மனிதநேயத்தையே உலுக்கும் வகையில் அமைந்துள்ளது. மூவலூர் கிராமத்தைச் சேர்ந்த ரவிச்சந்திரன் என்பவர் 15 ஆண்டுகளுக்கு முன்பு உயிரிழந்த நிலையில், அவரது மனைவியும் 15 வயது மகளும் ஆதரவற்ற நிலையில் தனியாக வசித்து வந்துள்ளனர். இவர்களது சூழ்நிலையைப் பயன்படுத்தி, சிறுமியின் தாய்வழி தாத்தாவான 73 வயது ராசு என்பவர், வீட்டிற்கு அடிக்கடி வந்து சென்றுள்ளார். உறவுமுறை என்ற நம்பிக்கையில் சிறுமியும் அவரிடம் சகஜமாக பழகி வந்த நிலையில், கடந்த சில மாதங்களுக்கு முன்பு வீட்டில் தனியாக இருந்த சிறுமியை ராசு வலுக்கட்டாயமாக பாலியல் வன்கொடுமை செய்துள்ளார்.

இந்த அதிர்ச்சியூட்டும் கொடுமை குறித்து சிறுமி உடனடியாக தனது தாயிடம் தெரிவிக்க, அவர் ராசுவைக் கண்டித்து வீட்டை விட்டு வெளியேற்றியுள்ளார். இருப்பினும் தனது மிருகத்தனமான புத்தியை மாற்றிக்கொள்ளாத அந்த முதியவர், கடந்த ஏப்ரல் 11-ஆம் தேதி மதியம் சிறுமி வீட்டில் தனியாக இருந்ததை அறிந்து மீண்டும் அவரிடம் அத்துமீறி பாலியல் வன்கொடுமையில் ஈடுபட்டுள்ளார். இச்சம்பவம் குறித்து சிறுமியின் தாய் மற்ற உறவினர்களிடம் முறையிட, அவர்கள் ராசுவை கடுமையாகத் தாக்கி எச்சரித்துள்ளனர். ஆனால், இந்த கொடூரத்தின் வடுக்கள் அந்தப் பிஞ்சின் வாழ்க்கையைச் சீரழிக்கும் என்று அவர்கள் அப்போது உணர்ந்திருக்கவில்லை.

இந்நிலையில், கடந்த இரண்டு தினங்களுக்கு முன்பு சிறுமிக்கு திடீரென உடல்நலக்குறைவு ஏற்பட்டுள்ளது. இதனால் பதறிய தாய், அவரை பரமக்குடி அரசு மருத்துவமனைக்கு அழைத்துச் சென்றபோது, அந்த 15 வயது சிறுமி மூன்று மாத கர்ப்பிணியாக இருப்பது மருத்துவப் பரிசோதனையில் உறுதியாகி அதிர்ச்சியை ஏற்படுத்தியது. இதனையடுத்து, பாதிக்கப்பட்ட சிறுமியின் புகாரின் பேரில் பரமக்குடி அனைத்து மகளிர் காவல் நிலைய போலீசார், முதியவர் ராசு மீது போக்சோ (POCSO) உள்ளிட்ட கடுமையான பிரிவுகளின் கீழ் வழக்குப்பதிவு செய்து அவரைக் கைது செய்தனர். தந்தை இல்லாத நிலையில், பாதுகாப்பாக இருப்பார் என்று நம்பிய தாத்தாவே பேத்தியைக் சீரழித்த இந்த அவலம் ராமநாதபுரம் மாவட்டம் முழுவதும் பெரும் பரபரப்பையும் சோகத்தையும் ஏற்படுத்தியுள்ளது.