“சொன்னதை செய்தால் தான் வேலை நடக்கும்…” போக்கு காட்டிய அரசு ஊழியர்…. லஞ்ச ஒழிப்பு போலீஸ் அதிரடி…!!

திருவள்ளூர் மாவட்டம் முத்தாபுதுப்பேட்டை பகுதியைச் சேர்ந்தவர் சங்கர்(36). இவர் தான் கட்டி வரும் வீட்டிற்கு மின் இணைப்பு கேட்டு திருநின்றவூர் மின்வாரிய அலுவலகத்தில் விண்ணப்பித்துள்ளார். அதற்காக அரசு நிர்ணயம் செய்த தொகையையும் சங்கர்(41) கட்டியுள்ளார். இந்த நிலையில் மின்வாரிய அலுவலகத்தில் வணிக ஆய்வாளராக வேலை பார்க்கும் ரஜினி என்பவர் அந்த வீட்டிற்கு மின் இணைப்பு வழங்குவதற்கு 3 ஆயிரம் ரூபாய் லஞ்சம் கேட்டதாக தெரிகிறது.

இதுகுறித்து சங்கர் லஞ்ச ஒழிப்பு போலீசில் புகார் அளித்தார். இதனையடுத்து லஞ்ச ஒழிப்பு போலீசாரின் அறிவுரைப்படி ரசாயனம் தடவிய ரூபாய் நோட்டுகளை சங்கர் ரஜினியிடம் கொடுத்துள்ளார். அப்போது அங்கு மறைந்திருந்த போலீசார் ரஜினியை கையும் களவுமாக பிடித்தனர். இதுகுறித்து வழக்குபதிவு செய்த போலீசார் ரஜினியை கைது செய்து விசாரணை நடத்தி வருகின்றனர். இந்த சம்பவம் அப்பகுதியில் அதிர்ச்சியை ஏற்படுத்தியுள்ளது.