முதல்வராக இருந்தபோது ஊழல் அதிகாரியை அறைக்கு வரவைத்து எம்ஜிஆர் செய்த செயல்… என்ன தெரியுமா..?

தமிழ் சினிமாவில் முன்னணி நடிகராக கொடி கட்டி பறந்தவர் தான் எம்ஜிஆர். ஒரு நாடக நடிகராக இருந்த சினிமாவில் சிறுசிறு வேடங்களில் நடித்து பிறகு பெரிய நாயகனாக உயர்ந்து அரசியலிலும் தனக்கென தனி சாம்ராஜ்யத்தை அமைத்த எம்ஜிஆருக்கு இன்றும் மிகப்பெரிய ரசிகர்கள் கூட்டம் உள்ளது. எம்ஜிஆரின் ஒவ்வொரு படங்களிலும் மக்களை கவரும் வகையில் ஒவ்வொரு கருத்து இடம் பெற்றிருக்கும்.

1936 ஆம் ஆண்டு தமிழ் சினிமாவில் நடிகராக அறிமுகமான எம்ஜிஆர் தொடர்ந்து பத்து வருட இடைவேளைக்குப் பிறகு நாயகனாக உருவெடுத்தார். பின்னர் 1956 ஆம் ஆண்டு எம் ஜி ஆர் நடிப்பில் வெளியான திரைப்படம் தான் மதுரை வீரன். எம்ஜிஆர் எப்போதுமே தலைக்கனம் இல்லாதவர். எம்ஜிஆர் முதல்வராக இருந்தபோது ஒருமுறை ராமாவரம் தோட்டத்தில் வெள்ளம் புகுந்து விடுகிறது. இதனால் படகில் ஏறி வந்து கன்னிமாரா ஹோட்டலில் ஒருமாதம் தங்கியிருந்தார்.

அந்த ஹோட்டலே அரசு அலுவலகமாக செயல்பட்டு வந்தது. அப்போது ஒரு அதிகாரி செய்த முறைகேடான செயலுக்காக எம்ஜிஆருக்கு அவப்பெயரும், அரசுக்கு அவமானமும் ஏற்படுகிறது. உடனே சஸ்பெண்ட் ஆர்டரை கையிலெடுத்துக்கொண்டு அந்த அதிகாரியை வர சொல்கிறார். வந்தால் முகத்தில் வீசி அனுப்ப காத்திருந்தார். அப்போது எம்ஜிஆருக்கு மதிய சாப்பாடு வந்திருக்கிறது.

அதே நேரம் அந்த அதிகாரியும் வந்ததால் சாப்பிட்டு விட்டீர்களா? என்று எம்ஜிஆர் கேட்டாராம். அதற்கு அவர் ஆமாம் என்று சொல்ல முகத்தில் பொய் தெரிகிறது என்று சொல்லி எம்ஜிஆர் அவரை சாப்பிட வைக்கிறார். வழக்கம்போல உணவு பரிமாறுபவர்களிடம் நன்கு கவனித்து சாப்பிட வைத்தார். சாப்பிட்டு முடித்ததும் அவரை அறைக்கு வர சொல்லி சஸ்பெண்ட் ஆர்டரை ஊழல் அதிகாரி முகத்தில் விட்டு எறிகிறார். சட்டப்படியும் தர்மப்படியும் நடந்துகொள்ள தெரிந்தவர் எம்ஜிஆர் ஒருவரே.