“ஓடும் காரில் ஆபாச வீடியோ பார்த்த பெண்…” அடுத்தடுத்து மோதிய 3 கார்கள்… திருமண நாள் கொண்டாடிய முதியவர் பலியான கொடூரம்… பெரும் சோகம்…!!

அமெரிக்காவின் யூட்டா மாநிலத்தில் உள்ள ஐ-15 நெடுஞ்சாலையில் பெண் ஒருவர் கார் ஓட்டும்போது கைப்பேசியில் ஆபாச வீடியோ பார்த்ததால், கட்டுப்பாட்டை இழந்து 3 கார்கள் ஒன்றின் பின் ஒன்றாக மோதி 66 வயது முதியவர் பரிதாபமாக உயிரிழந்த கோர விபத்து பெரும் அதிர்ச்சியையும் சோகத்தையும் ஏற்படுத்தியுள்ளது.

கலிபோர்னியாவைச் சேர்ந்த கிறிஸ்டின் சாவோ (44) என்ற பெண் தனது நீல நிற எஸ்யூவி காரை ஓட்டிச் சென்றபோது, நெடுஞ்சாலையில் நடைபெற்ற கட்டுமானப் பணிகளால் போக்குவரத்து மெதுவாக நகர்ந்துள்ளது. அப்போது, வேகத்தைக் குறைக்கத் தவறிய சாவோ, முன்னால் சென்ற வெள்ளை நிற செடான் காரின் மீது பலமாக மோதியுள்ளார். மோதிய வேகத்தில் அந்த செடான் கார், அதற்கு முன்னால் இருந்த மற்றொரு எஸ்யூவி காரின் மீது மோதி நொறுங்கியது.

இந்த விபத்தில் செடான் காரின் பின் இருக்கையில் இருந்த ஸ்காட் லாவர் லிச்ஃபீல்ட் (66) என்ற முதியவர் பலத்த காயமடைந்து மருத்துவமனையில் சிகிச்சை பலனின்றி உயிரிழந்தார். இறப்பதற்கு ஒரு நாள் முன்புதான் அவர் தனது மனைவியுடன் 39-வது திருமண நாளைக் கொண்டாடியுள்ளார் என்பது குறிப்பிடத்தக்கது.

போலீசார் வாரண்ட் மூலம் சாவோவின் செல்போனை ஆய்வு செய்தபோது, விபத்து நடப்பதற்கு இரண்டு நிமிடங்களுக்கு முன்பாக அவர் ஆபாச இணையதளத்தைப் பார்த்துக் கொண்டே கார் ஓட்டிய அதிர்ச்சி உண்மை அம்பலமானது. இதையடுத்து அப்பெண் மீது வாகனக் கொலைக் வழக்கு பதிவு செய்யப்பட்டு விசாரணை தீவிரப்படுத்தப்பட்டுள்ளது.