‘ANIMAL’ பட வில்லனை ஓரங்கடிய அஜித்குமார் படக்குழுவினர்? அப்போ GOOD BAD UGLY படத்துக்கு வில்லன் இவர்தானா?

அஜித்குமார் நடிப்பில் மகிழ்திருமேனி இயக்கத்தில் உருவாகி வரும் “விடாமுயற்சி” திரைப்படத்தின் படப்பிடிப்பு தற்போது மும்முரமாக நடைபெற்று வருகிறது. இதனிடையே அஜித்குமார்-ஆதிக் ரவிச்சந்திரன் ஆகியோர் இணையவிருக்கும் “GOOD BAD UGLY” திரைப்படத்தின் அறிவிப்பு சில நாட்களுக்கு முன் வெளிவந்தது.

இத்திரைப்படத்தின் படப்பிடிப்பு விரைவில் தொடங்கப்பட உள்ளது. இத்திரைப்படத்திற்கு தேவி ஸ்ரீ பிரசாத் இசையமைக்கிறார். 2025 ஆம் ஆண்டு பொங்கல் தினத்தன்று இத்திரைப்படம் வெளிவரும் என அறிவிக்கப்பட்டுள்ளது.

இந்த நிலையில் இத்திரைப்படத்தின் வில்லன் நடிகர் குறித்த ஒரு சுவாரஸ்ய தகவல் வெளிவந்துள்ளது. அதாவது “அனிமல்” படத்தில் வில்லனாக நடித்த பாபி தியோலை “GOOD BAD UGLY” திரைப்படத்தில் வில்லனாக நடிக்க ஒப்பந்தம் செய்யலாம் என படக்குழுவினர் முடிவெடுத்தனராம். ஆனால் “அனிமல்”, “கங்குவா” ஆகிய திரைப்படங்களில் தொடர்ந்து பாபி தியோல்தான் வில்லனாக நடித்திருக்கிறார்.

ஆதலால் பாபி தியோலை வில்லனாக நடிக்க வைக்க வேண்டாம் என்று படக்குழுவினர் முடிவெடுத்துள்ளார்களாம். பாபி தியோலுக்கு பதிலாக பிரபல பாலிவுட் ஹீரோவான ஜான் ஆபிரகாமை வில்லனாக நடிக்க வைக்கலாம் என்ற யோசனையில் படக்குழுவினர் உள்ளார்களாம்.

ஆக “GOOD BAD UGLY” திரைப்படத்தில் அஜித்குமாருக்கு வில்லனாக ஜான் ஆபிரகாம் நடிப்பது ஓரளவு உறுதி என்று தகவல் வருகிறது. ஷாருக்கான் நடிப்பில் சென்ற வருடம் வெளியான “பதான்” திரைப்படத்தில் கூட ஜான் ஆபிரகாம் வில்லனாக கலக்கியிருந்தார் என்பது குறிப்பிடத்தக்கது.