சென்னையில் தங்கம் விலை கடந்த இரண்டு நாட்களில் மட்டும் சவரனுக்கு ரூ.1,360 வரை உயர்ந்து சாமானிய மற்றும் நடுத்தர மக்களுக்குப் பேரதிர்ச்சியை ஏற்படுத்தியுள்ளது. சென்னையில் 22 கேரட் ஆபரணத் தங்கம் கிராமுக்கு ரூ.65 உயர்ந்து ரூ.13,880-க்கும், ஒரு சவரன் ரூ.1,11,040-க்கும் விற்பனை செய்யப்பட்டு வருகிறது.
சர்வதேசச் சந்தையில் நிலவும் பொருளாதார மாற்றங்கள் மற்றும் தேவைகள் அதிகரிப்பு காரணமாகத் தங்கத்தின் விலை மேலும் உயரக்கூடும் என சந்தை வல்லுநர்கள் கணித்துள்ளனர். அதேவேளையில், வெள்ளி விலையில் எவ்வித மாற்றமுமின்றி ஒரு கிராம் ரூ.245-க்கு விற்பனையாகி வருகிறது. பண்டிகை மற்றும் திருமணக் காலம் நெருங்கும் வேளையில் தங்கம் விலை தொடர்ந்து உயர்ந்து வருவது பொதுமக்களிடையே பெரும் கவலையை ஏற்படுத்தியுள்ளது.