சர்வதேச சந்தையில் தங்கம் விலை வீழ்ச்சியடைந்து வருவதன் எதிரொலியாக, உள்ளூர் சந்தையிலும் அதன் விலை மளமளவென குறைந்து வருவது நகைப்பிரியர்களிடையே மகிழ்ச்சியை ஏற்படுத்தியுள்ளது. குறிப்பாக, உலகளவில் ஒரு அவுன்ஸ் (28 கிராம்) தங்கத்தின் விலை 4,000 டாலர்களுக்கு கீழ் சரிந்துள்ளதால், இன்று (ஜூலை 17) தமிழகத்தில் சவரனுக்கு ரூ 400 வரை குறைந்துள்ளது.
இந்த அதிரடி விலைச் சரிவால், பல மாதங்களுக்குப் பிறகு தங்கம் விலை ஒரு சவரன் ரூ 1,05,000-க்கு கீழ் இறங்கியுள்ளது குறிப்பிடத்தக்கது. தற்போது சென்னையில் 22 கேரட் ஆபரணத் தங்கம் கிராம் ரூ 13,100-க்கும், ஒரு சவரன் ரூ 1,04,800-க்கும் விற்பனை செய்யப்பட்டு வருவதால், கடைகளில் மக்கள் கூட்டம் அதிகரிக்கத் தொடங்கியுள்ளது.