பட்டையை கிளப்பும் சூரி.. கருடன் திரைப்படம் இதுவரை செய்த வசூல் எவ்வளவு தெரியுமா..?

துரை செந்தில்குமார் இயக்கத்தில் உருவான கருடன் திரைப்படத்தில் சூரி முன்னணி கதாபாத்திரத்தில் நடித்துள்ளார். துரை செந்தில்குமார் ஏற்கனவே எதிர்நீச்சல், கொடி, பட்டாசு ஆகிய படங்களை இயக்கி பிரபலமானவர். கருடன் திரைப்படத்திற்கு இயக்குனர் வெற்றிமாறன் கதை எழுதியுள்ளார்.

நடிகர் சூரியுடன் கருடன் திரைப்படத்தில் சசிகுமார், மலையாள நடிகர் உன்னி முகுந்தன், சமுத்திரக்கனி, மைம் கோபி உள்ளிட்டோரும் நடித்துள்ளனர். இந்த படத்திற்கு யுவன் சங்கர் ராஜா இசையமைத்துள்ளார். கடந்த மாதம் 31- ஆம் தேதி கருடன் திரைப்படம் ரிலீஸ் ஆனது. ரிலீசான இரண்டு நாட்களிலேயே படம் மக்களிடையே நல்ல வரவேற்பை பெற்றுள்ளது.

சூரி என்றாலே காமெடி கதாபாத்திரத்திற்கு பிரபலமானவர். தற்போது ஆக்சன் ஹீரோவாகவும் திரையுலகில் அடி எடுத்து வைத்துள்ளார். ஏற்கனவே சூரி நடிப்பில் ரிலீஸ் ஆன விடுதலை திரைப்படம் மாபெரும் அளவில் வரவேற்பை பெற்றது. அந்த படத்தின் இரண்டாவது பாகம் விறுவிறுப்பாக உருவாகி கொண்டு இருக்கிறது.

இந்நிலையில் கருடன் திரைப்படத்தில் சூரி சொக்கன் கதாப்பாரத்தில் தனது மிரட்டலான நடிப்பை வெளிபடுத்தி இருப்பார். கருடன் திரைப்படம் இதுவரை 39 கோடி ரூபாய் வரை வசூல் செய்து பாக்ஸ் ஆபீசில் சாதனை படைத்துள்ளது. ஆக்ஷன் ஹீரோவாகவும் சூரி கலக்கி வருகிறார்.