தீபாவளி சர்ப்ரைஸ்…. ரூ.75,000 பயிர்க்கடன் தள்ளுபடி அரசாணை வெளியீடு… சற்றுமுன் தமிழக அரசு அறிவிப்பு….!

கூட்டுறவு வங்கிகளில் கடன் பெற்ற விவசாயிகளுக்கு பெரும் நிவாரணமளிக்கும் வகையில், பயிர்க்கடன் தள்ளுபடி வரம்பை உயர்த்தி அரசு அதிகாரப்பூர்வ அரசாணையை வெளியிட்டுள்ளது. இந்த அறிவிப்பின்படி, கூட்டுறவு வங்கிகள் மூலம் ரூ.75,000 வரை பெறப்பட்ட பயிர்க்கடன்கள் அனைத்தும் முழுமையாகத் தள்ளுபடி செய்யப்படும். அதேவேளையில், ரூ.75,000-க்கும் அதிகமாகக் கடன் பெற்றுள்ள விவசாயிகளுக்கு, அதிகபட்சமாக ரூ.75,000 வரை தள்ளுபடிச் சலுகை வழங்கப்படும். விவசாயத் துறையை ஊக்கப்படுத்தவும், கடன் சுமையிலிருந்து உழவர்களை மீட்கவும் கொண்டுவரப்பட்டுள்ள இத்திட்டத்துக்காக அரசு ரூ.9,062.83 கோடியை நிதியாக ஒதுக்கியுள்ளது.

இந்தத் தள்ளுபடிச் சலுகையானது 2025-ஆம் ஆண்டு மே 1-ஆம் தேதி முதல் 2026-ஆம் ஆண்டு மார்ச் 31-ஆம் தேதி வரையிலான காலக்கட்டத்தில் பெறப்பட்ட பயிர்க்கடன்களுக்கு மட்டுமே பொருந்தும் என அரசாணையில் தெளிவாகத் தெரிவிக்கப்பட்டுள்ளது. குறிப்பிட்ட காலவரையறைக்குள் கடன் பெற்ற இலட்சக்கணக்கான விவசாயிகள் இத்திட்டத்தின் மூலம் நேரடியாகப் பயன்பெறுவர். அரசின் இந்த நிதி ஒதுக்கீடும் அரசாணை வெளியீடும் வேளாண் பெருமக்களிடையே மிகுந்த மகிழ்ச்சியையும் வரவேற்பையும் ஏற்படுத்தியுள்ளது.