வேட்புமனு தாக்கல் டூ வாக்கு எண்ணிக்கை வரை… எந்தெந்த தேதிகளில்..? தமிழ்நாடு சட்டப்பேரவைத் தேர்தல் குறித்த முழு விவரம் இதோ..!

தமிழக சட்டப்பேரவைத் தேர்தல் 2026-க்கான அதிகாரப்பூர்வ கால அட்டவணையை இந்தியத் தேர்தல் ஆணையம் வெளியிட்டுள்ளது. இதன்படி, வேட்புமனுத் தாக்கல் வரும் மார்ச் 30, 2026 அன்று தொடங்குகிறது. விருப்பமுள்ள வேட்பாளர்கள் தங்களது மனுக்களைச் சமர்ப்பிக்க ஏப்ரல் 06 கடைசி நாளாகும். சமர்ப்பிக்கப்பட்ட மனுக்கள் மீதான பரிசீலனை ஏப்ரல் 07 அன்று நடைபெறும், மனுக்களைத் திரும்பப் பெற விரும்புவோர் ஏப்ரல் 09 வரை கால அவகாசம் பெற்றுள்ளனர்.

தமிழகம் முழுவதும் ஒரே கட்டமாகத் தேர்தல் நடைபெறவுள்ளது. வாக்காளர்கள் தங்களது ஜனநாயகக் கடமையை ஆற்றும் வகையில், வாக்குப்பதிவு நாள் ஏப்ரல் 23, 2026 அன்று நடைபெறுகிறது. இந்த அறிவிப்பைத் தொடர்ந்து, மாநிலம் முழுவதும் தேர்தல் நடத்தை விதிகள் உடனடியாக அமலுக்கு வந்துள்ளன, இதனால் அரசியல் கட்சிகள் தங்களது பிரச்சாரப் பணிகளை இப்போதே தீவிரப்படுத்தத் தொடங்கியுள்ளன.

தேர்தல் முடிந்த பிறகு, வாக்கு எண்ணிக்கை மே 04, 2026 அன்று நடைபெறும். அன்றைய தினமே முடிவுகள் அறிவிக்கப்பட்டு, தமிழகத்தின் அடுத்த முதலமைச்சர் யார் என்பதும், புதிய ஆட்சியை அமைக்கப்போகும் கட்சி எது என்பதும் உறுதி செய்யப்படும். இந்தத் தேர்தல் முடிவுகள் தமிழக அரசியலில் ஒரு முக்கியத் திருப்புமுனையாக அமையும் என்று எதிர்பார்க்கப்படுகிறது.