“நீதான் போட்டு கொடுத்தியா…?” வாலிபரை குத்தி கொன்ற நண்பர்கள்…. பட்டப்பகலில் நடந்த பயங்கரம்…. வைரலாகும் பகீர் வீடியோ….!!

ஹைதராபாத் ராஜேந்திரநகர் பகுதியில், கஞ்சா விற்பனை குறித்த தகவல்களைக் காவல்துறையிடம் ரகசியமாகக் போட்டுக் கொடுத்ததாக ஏற்பட்ட சந்தேகத்தின் பேரில், 32 வயதான முஹம்மது வசீம் என்ற வாலிபரை அவரது கூட்டாளிகளே பட்டப்பகலில் கத்தியால் குத்திக் கொலை செய்த சம்பவம் பெரும் அதிர்ச்சியை ஏற்படுத்தியுள்ளது.

பி.வி. நரசிம்ம ராவ் மேம்பாலத்தில் வசீம், சொஹேல் மற்றும் இல்யாஸ் ஆகிய தனது கூட்டாளிகளைச் சந்தித்தபோது அவர்களிடையே தகராறு ஏற்பட்டுள்ளது. அப்போது, திடீரென ஆத்திரமடைந்த இருவர் கத்தியால் வசீமைச் சரமாரியாகக் குத்தியும், மிதித்தும் தாக்குதலில் ஈடுபட்டு தப்பியோடினர். பலத்த காயமடைந்த வசீம் மருத்துவமனைக்குக் கொண்டு செல்லும் வழியிலேயே பரிதாபமாக உயிரிழந்தார். இச்சம்பவத்தின் கொடூரக் காட்சிகள் அங்குள்ள சிசிடிவி கேமராவில் பதிவாகியுள்ளன.

கொலை செய்யப்பட்ட வசீம் மற்றும் தாக்குதல் நடத்திய இருவர் மீது ஏற்கனவே போதைப்பொருள் கடத்தல் வழக்குகள் நிலுவையில் உள்ளது குறிப்பிடத்தக்கது. இச்சம்பவம் தொடர்பாக ராஜேந்திரநகர் காவல்துறையினர் வழக்குப் பதிவு செய்து, தப்பியோடிய குற்றவாளிகளைப் பிடிக்கத் தனிப்படை அமைத்து தீவிர விசாரணை மேற்கொண்டு வருகின்றனர். செப்டம்பர் மாதத்தில் மட்டும் ஹைதராபாத்தில் 10 படுகொலைகள் நடந்துள்ளது அப்பகுதி மக்களிடையே பெரும் பீதியை ஏற்படுத்தியுள்ளது.