தேர்தலுக்கு 3 மாதங்களுக்கு முன்பே இலவச அறிவிப்பு..! ஆகஸ்ட் 1ம் தேதி முதல் வீடுகளுக்கு இலவச மின்சாரம்… சூடுபிடிக்கும் அரசியல் களம்..!!

பீகாரில் சட்டப்பேரவை தேர்தல் இந்த வருடம் கடைசியில் நடைபெற உள்ள நிலையில் 125 யூனிட் வரை மின்சாரம் இலவசமாக வழங்கப்படும் என்று முதல்வர் நிதிஷ்குமார் அறிவித்துள்ளார். தற்போது பீகாரில் ஐக்கிய ஜனதா தளம் கட்சியின் தலைமையிலான தேசிய ஜனநாயக கூட்டணி ஆட்சி நடந்து வருகிறது. முதல்வராக நிதிஷ் குமார் இருந்து வருகிறார்.  இந்நிலையில் தன அக்டோபர் அல்லது நவம்பர் மாதத்தில் சட்டப்பேரவை தேர்தல் நடைபெற உள்ள நிலையில் பீகாரில் உள்ள அனைத்து வீடுகளுக்குமே 125 யூனிட் வரை இலவசமாக மின்சாரம் வழங்கப்படும் என்று நேற்று காலை முதல்வர் நிதிஷ்குமார் அறிவித்தார்.

இதுகுறித்து அவர் தனது எக்ஸ் பக்கத்தில் பதிவிட்டுள்ளதாவது, “பீகார் மக்களுக்கு ஏற்கனவே குறைந்த விலையில் தான் மின்சாரம் வழங்கப்பட்டு வருகிறது. இந்த நிலையில் தான் தற்போது அனைத்து வீடுகளுக்கும் 125 யூனிட் வரை இலவச மின்சாரம் வழங்குவதற்கு அரசு முடிவு எடுத்துள்ளது .அதன்படி ஆகஸ்ட் 1ம் தேதி முதல் அமலுக்கு வரும் என்றும் ஜூலை மாத கட்டணத்தில் 125 யூனிட் வரை பயன்படுத்தப்பட்டுள்ள வீடுகளுக்கு கட்டணம் வசூலிக்கப்படாது” என்றும் குறிப்பிட்டுள்ளார்.