தமிழகத்தில் குடும்பத் தலைவிகளின் நிதிச் சுமையைக் குறைக்கும் வகையில், ‘அன்னபூரணி சூப்பர் 6’ திட்டத்தின் கீழ் முதற்கட்டமாக 3 வீட்டு உபயோக சமையல் கேஸ் சிலிண்டர்கள் இலவசமாக வழங்கப்படும் என்று தவெக தலைவர் விஜய் அறிவித்துள்ளார்.
தற்போதைய சந்தை நிலவரப்படி ஒரு கேஸ் சிலிண்டரின் விலை ரூ.960 முதல் ரூ.1,000 வரை விற்பனையாகும் நிலையில், இந்த இலவச சிலிண்டர்களுக்கான தொகை நேரடியாகக் குடும்பத் தலைவிகளின் வங்கிக் கணக்கில் வரவு வைக்கப்படும் எனத் தெரிவிக்கப்பட்டுள்ளது. இத்திட்டத்தின் மூலம் ஒவ்வொரு குடும்பத் தலைவியும் ஆண்டிற்கு ரூ.3,000 வரை சேமிக்க முடியும் என்பதால், இப்போதே தமிழகப் பெண்களிடையே பெரும் வரவேற்பும் மகிழ்ச்சியும் ஏற்பட்டுள்ளது.