தமிழக சட்டமன்றத் தேர்தலில் வெற்றி பெற்று தமிழக வெற்றிக் கழகம் ஆட்சியமைத்ததைத் தொடர்ந்து, முதல்வர் விஜய் தலைமையிலான 35 பேர் கொண்ட அமைச்சரவை செயல்பட்டு வருகிறது. இதில் பெரும்பாலானோர் முதல்முறை அமைச்சர்கள் என்பதால், அவர்களின் நிர்வாகத் திறன் மற்றும் செயல்பாடுகள் குறித்து உளவுத்துறை மூலம் தகவல்கள் சேகரிக்கப்பட்டு வருகின்றன. ‘தூய்மையான நிர்வாகமே இலக்கு’ என்பதில் உறுதியாக இருக்கும் முதல்வர் விஜய், தவறு செய்யும் அமைச்சர்கள் மீது தயவுதாட்சண்யமின்றி நடவடிக்கை பாயும் என்று ஏற்கனவே அமைச்சரவைக் கூட்டத்தில் எச்சரித்திருந்தார்.
இந்த நிலையில், செப்டம்பர் மாதம் பட்ஜெட் கூட்டத்தொடர் முடிந்த பிறகு தமிழக அமைச்சரவையில் அதிரடி மாற்றங்கள் செய்யப்படலாம் என்று தலைமைச் செயலக வட்டாரங்களில் தகவல்கள் கசிந்துள்ளன. குறிப்பாக, புகார்களில் சிக்கியுள்ள போக்குவரத்துத் துறை அமைச்சர் விஜய் தமிழன் பார்த்திபன், உயர்கல்வித் துறை அமைச்சர் விஸ்வநாதன் (காங்கிரஸ்), சமூக நலத் துறை அமைச்சர் ஜெகதீஸ்வரி மற்றும் மனித வள மேம்பாட்டுத் துறை அமைச்சர் சரத்குமார் ஆகிய 4 பேரின் பதவிகள் பறிக்கப்பட வாய்ப்புள்ளதாகக் கூறப்படுகிறது.
அதேவேளையில், சில அமைச்சர்களின் இலாகாக்கள் மாற்றப்படவும் பரிசீலிக்கப்பட்டு வருகிறது. தொழில் துறை அமைச்சர் கீர்த்தனா, கால்நடை பராமரிப்புத் துறை அமைச்சர் கமலி மற்றும் சுற்றுலாத் துறை அமைச்சர் ராஜேஷ்குமார் (காங்கிரஸ்) ஆகியோரின் துறை சார்ந்த செயல்பாடுகள் மறுபரிசீலனை செய்யப்படுகின்றன. அதேபோல, சமூக நீதித் துறை அமைச்சராக உள்ள வன்னி அரசுக்கு கூடுதல் முக்கியத்துவம் வாய்ந்த இலாகாக்கள் வழங்கப்படலாம் என்றும் எதிர்பார்க்கப்படுகிறது.
மேலும், அதிமுகவிலிருந்து விலகி தவெகவில் இணைந்த எம்.ஆர். விஜயபாஸ்கர், சி.விஜயபாஸ்கர் மற்றும் மரகதம் குமாரவேல் போன்ற மூத்த தலைவர்களுக்கு அமைச்சரவையில் வாய்ப்பளிப்பது குறித்தும் ஆலோசிக்கப்பட்டு வருகிறது. வரவிருக்கும் இடைத்தேர்தலுக்குப் பிறகோ அல்லது பட்ஜெட் கூட்டத்தொடரின் முடிவிலோ இந்த அமைச்சரவை மாற்றம் தொடர்பான அதிகாரப்பூர்வ அறிவிப்புகள் வெளியாகக் கூடும் என எதிர்பார்க்கப்படுகிறது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…